زبادي يوناني

هلا خواتي ومقدما كل عام وانتو بخير بقدوم رمضان

الغاليات ممكن تساعدوني وتدلوني على مكان يبع الزبادي اليوناني هو اثقل من الزبادي العادي ويستخدم في الحلويات والصوصات الغربية ومن يومين قاعدة اطلع وصفة حلا وايد حلو وسهل بس يحتاج الى هالنوع من الزبادي فايريت من خبيراتنا يدلوني من وين ؟؟؟؟؟؟؟؟؟

وجزاكم الله الف خير

ان شاء الله الاخوات ما بيقصرن

أنا بعد دورته وما حصلته..

بس سمعت مرة شيف في برنامج يقول ممكن تسوينه في البيت,,
تييبين الروب العادي وتحطينه على مصفاه مبطنه بشاش وتحطينه في الثلاجة طول الليل ,,
ثاني يوم بتشوفين كل الماي الزايد نزل من الروب وصار قوامه غليظ نفس قوام الزبادي اليوناني..

الغلا الزبادي اليوناني في نسةب دسامه اكثر من الزبادي الروب العادي

الروب العادي 3.5%

الروب اليوناني تصل الى 10%

النقطه الثانية ايسوونه من الحليب ويضيفون له كريما بعد

وفي اليونان عندهم اكثر شي حليب الاغنام والعنز هب البقر وطبعا عندهم بقر بس اكثر منتجاتهم من الاغنام والعنز

وبشكل عام ياكلونه مع العسل والمكسرات

وبديل للروب اليوناني

هاتي روب عادي واخلطي معاه كريمه سائله او قيمر وحطيهم في مشخله مصفى يعني بس حطي بين المشخله والمزيج قطعه نظيفه او كلينكس المطبخ بس افضل قطعه نظيفه مثل الشيل البيضاء او قطرة ريلج ولا اخوج ولا ابوج المهم

وخليه في الثلاجه طووووووووووووول الليل او 24 ساعه افضل بس غطيه وتعالي ذوقي احلى روب

بس الله يعين ع السعرات الحراراية

عن نفسي ما افضل آكل الروب اليوناني لانه غني بالسعرات الحرارية

وهني وعافيه عموما

تسلميــــــن الغالية الله يوفقج

تسلمين الغلا وأن شاء الله بجرب الطريقة وان شاء الله تضبط لي

[COLOR="Purple"]مشكورة الغلا ان شاء الله بسويها بطبق الطريقة