ساعدوة وفي ميزان حسناتكم

ربيعيتي تقولي كان في واحد يحبها من اهلها بس من بعيد ماعرف شو فيه هو يحب وحده من زمان وكان يبغيعا وماصار نصيب عيال حرام خربو عليها يوم سالو عنها وتزوج وحده ثانية مب من جنسيته مواطنها عشان يعدل وضعه ويقوله باخذج ثانية مب احين والله يهديها بعدها تتريه وهو ودم مشاكل مع حرمتة لانها تصرفاتها ياهل ؟ وهي دوم تنصحه بالزين وانه تتحمل والله ماعرغت شو انصخها فيدوني : ؟

ما فهمت وايد
بس كانها هي ع علاقه مع واحد متزوج
سؤال؟؟؟ اذا هي كانت مكان زوجته هل ترضى انه يعاملها بنفس الطريقه ( اتكون عنده صديقه او حبيبه)
ثانيا :: كانه هو تزوج طمع في الحرمه عشان يحسن مستواه المادي ؟؟؟ وبعدين>>> ياخذ فلوسها ويتزوج غيرها

حسب ما فهمت

زين هو متزوج حرمه بس عشان يحسن وضعه ! ومتحمل بعد تصرفاتها ! يعني هم بنات الناس لعبه اختي

اوكي فاهمه ان عادي المراه تنكح لمالها بس هو في الاخير يبي يكون اسره ولا بس فلوس وبعدين يرميها

!

يعني هي تستناه لييين مايطلقها وبعد مايخذ فلوس زينه منها او الجنسيه

خلاص ياخذها

هذا استغلال اختي

استغلال

يعني حتى مب شاكرنها ان بسببها تحسن وضعه ويعاملها بالزين!

فهي تتوقع ان يعاملها احسن !

بما معناه هو مايتحمل مسؤوليه يعني مابنى حياته بنفسه وطلب يدها على قد فلوسه

لا

الاخ يطالع فوق!ومب متحمل مسؤوليه ابداً

كيف ترمسه وهو ما يحل لها؟

جان تبين تنصحينها وتساعدينها
خليها تقطع علاقتها فيه واذا يباها
زوجه ثانيه خليها تفكر عدل لانه
مب ريال، شرات ما استغل حرمه
وهي ع ذمته بيستغلها هي بعد

خلها تقطع علاقتها فيه بدون تفكير
ريال متزوج شو تبي فيه ؟ بلا حب بلا خرابيط
يقص عليها ويلعب عالحبلين
ما وفا لحرمته تتوقع يوفي ويصدق معاها ؟
الله يهديها

خبرتها والله بس هي ماتسمع الرمسة دم خذ وحده يستغلها ويمشيها على كيفة كيف تتوقعي انه تعيشي معاه بس الله يهديها ..مب باب النصحية الريال الاستغلالي ماينفع تعيش معاه . وبعدين هو يقربلها جي وله جي هم عادي عندهم مب انه ؟ ترا في ناس عادي يتجمعون الاهل والمعارف القراب للبعض بس كل واحد وعاداته الله يهديها بس المهم احنا علينا نصحها

^

نحن نصحنا وانتي بدورج خبرتيها، ودامها ما
تسمع خلاص لا تتدخلين اكثر وخليها بروحها
تتخذ قرار وتحدد فيه مصيرها وعقب ما بتلوم
حد اذا صار شي ف حياتها هي ما تباه . .