ساعدوني الامي سارقه النوم مني :(

هلا بكم خواتي انا حاليا بالشهر الثامن من حملي
لي فتره اعاني وااايد من مشكله بريولي وعزكم الله عند عظم العانه صار لي اسبوعين هالحاله ووايد متعبني خصوصا وقت الرقاد اي مشي بسيط من السرير للحمام اكرمكم الله اشوفه مؤلم ومتعب صرت واايد اتغيب عن شغلي لان الوضع صار مؤلم لي وماقدر ايلس فتره طويله لان لو قمت من بعدها الالام عندي بتكون بكل مكان ببطني وتنشد ريولي وتحت بطني..رحت لطبيبتين قالولي وضع البيبي بريش راسه فوق وريوله تحت وقالت لي بننتظر لويك 36 اذا ماتجلب بنحاول نعدل وضعيته
الحين انا قررت اخذ اجازتي السنويه مع اني كنت مخلتنها للبيبي بس شو اسوي مابيدي حيله حد صار له نفسي؟
امس قريت نفس الاعراض لالام الحوض وقالو ممكن تستمر لبعد الولاده فهل هالشي صح وهل عادي يصير جي؟

ربي يشافيج ويعافيج وييسر عليج ويسهل ويجازيج خير على ماصبرتي وعلى قد ماتحملتي للضناج.

للرفع

ربي يشافيج ويعافيج

هلا عزيزتي .. ان فكل حمل يصير جذا فاول حمل قالت لي الدكتورة يمكن عشان هذا الاول ..
لكن هذا الحمدلله رابع حمل لي .. لكن الألا م كل حمل تزيد .. آخر شي خبروني راجعي قسم العظام احسن ..لكن ماسرت .. وعادة يبدأ من الشهر الثامن هالالم ..
انا الحينه فآخر التاسع .. والله فالليل ابى اصيح من الالم وموول ما اقدر ارقد .. بس الحمدلله على كل حال شو بنسوي ما باليد حيله .. انتي يوم بترقدين ارقدي على جنب وحطي بين ريلاتج مخدة صغيرة .. يمكن شوي اتخفف الالم..

ربي يسهل علينا وعليج ونولد بالسلامة …

شكرا حبيايبي بس ليش طبيب العظام؟
وهل يروح بعد الولاده

هلا ميمي

ربي يسهل عليج

انا صار فيني جي على 3 ولاده من دخلت التاسع حسيت اني بربي و كانه حوضي مفجووج و يعووور

و اول ما اتربين يرووح هذا كله من الثقل البيبي

خلج منسدحه و اذا زااد اقعدي في ماي دااافي و نامي واااااااااااااااااايد يرييح ..و سلامتج

هالشي عادي يصيرلج من بعد ما تدخلين في نص السابع هذا يسمونه عرج النساء وبعدين منطقه الحوض تتبطل عندج عشان جيه تحسين بهالالم وانتي كل يوم بعد الغداء رفعي ريولج لمده ساعه كامله او ساعتين وغطي ريولج في ماي بارد جدا ومضاف اليه ماء ورد بتحسين براحه كبيره والبسي اللقنز او البنطالين الاستريج عشان ادفين المنطقه عندج والله يعينا ويسهل علينا يارب