شفط الحليب له اثآر سلبيه

السلام عليكم

ابي اعرف هل الشفط له اثآر سلبيه وهل ينشف الحليب
واذا شفط كم ساعه تقدرون تخلون الحليب برع وكم يوم تخلونه ف ثلاجه
وكيف تعقمونه
واذا انا في فترة الاربعين عادي اشفط واعطي بنتي
ممكن خواتي تفيدوني

هلا اختي

اممممم انا ماعندي خبره

بس فالمستشفى خبروني

انه الحليب عادي يتم فالثلاجه 3 ايام .. طبعا تكتبين التاريخ عليه

وعادي يتم فالفريزر شهرين وتكتبين التاريخ وجيه

بس عن الاثار السلبيه للشفط مادري والله

مشكورة الغاليه

هههههههههههههههههههههههههههههههههههه

ذكرتيني بالأيام ندمت أني سويتها محد كثري كان يشفط الحليب…. كنت اشفط لولدي يوم كان فالحضانه يتم الحليب فرش ساعتين واذا ما بتستخدمينه حطي مثل ما قالت أختي عنود الحب فالثلاجة 3 ايام .. طبعا تكتبين التاريخ عليه

وعادي يتم فالفريزر شهرين وتكتبين التاريخ

بس عن الاثار السلبيه للشفط …… ما فيه بس ندمت اني كنت اشفط لولديه عندي يعني ما عندي سبب للشفط غير ان ريلي يبا يتاكد من القياس اللي كان الولد يشربه

هههههه
حتى انا افكر بالقياس
تسلمين حبوبه ع طلتج

مرحبا الغالية… كل الدراسات تاكد ان الشفط يزيد من كمية الحليب بعد ما يشرب الطفل اشفطي المتبقي بالاضافة إلى الشفط عند المقدرة… الحليب بعد الشفط يتم استخدامه خلال 8 ساعات في درجة حرارة الحجرة و في الثلاجة 3 ايام وفي الفريزر 6 شهور.. لحخظ الحليب بطريقة معقمة انصح باستخدام اكياس حفظ الحليب من شركة مديلا متوافر في محلات الاطفال babyshop & toys R U بالاضافة إلى الصيدليات الكبيرة. لما تشترين الاكياس داخله بتحصلين ورقة فيها هالمعلومات…
اتمنى اني افدتج وإذا بغيتي معلومات زيادة راسليني..
لا تعتمدين على الشفط كليا في الارضاع عشان ما يتعود الطفل على المرضعة ويودر الصدر لأن الحليب في المرضعة يطلع اسرع.. بس لازم اتعودينه على المرضعة في نفس الوقت، اشفطيله وعطيه بالمرضعة 1-2 مرة في اليوم…
السموحة طولت عليكم واتمنى اتكون المعلومات مفيدة

مشكورة الغاليه عالمعلومات