شوفو شو صارلي مع دورات الدخون

حبيت انقلكم اللي صارلي وضايقني من بعض البنات اللي علمتهن صنع الدخون طبعاً
مشروع دورات الدخون خذ مني وقت وجهد وتعبت عليه وااااااايد وكله من خبرت الأهل ماشي سارقتنه من نت ولا غيره وحبيت اعلم البنات بما يرضي الله تعالى واشياء انا متأكده مابيتعلمونها لا في معهد ولا غيره وطورت من دوراتي وقلت خلني اسهل ع البنات واسويلهن ملفات بالدورات ولله الحمد علمتهن صح وماقصرت وياهن وقلتلهن المدة مفتوووحه متى ماتبن اتصلن بس اللي صدمني أن فيه تاجرة ادعت بأني قلت بأني اعرفها واقربلها وانا اللي معلمتنها بس عشان اضحك ع البنات وفيه من اللي علمتهن خذت اسمي وقالت حق البنات اللي تبا اعلمها جميع دورات ام غـلا بس بـ300 درهم يعني بالذمة هذا جزاي لأني علمت البنات صح كم سؤال اشوفه موجه للتاجرات ف الدخون مايجاوبن عليه اللي تسأل عن طريقة الدخون واللي تسأل عن مقادير الدخون ….الخ حتى ماكنت عارفــه بأن فيه بنات من اللي علمتهن استغلني واطعنني في ظهري …من كم شهر جتني وحده من اللي خايفات الله قالت والله يا ام غـلا انا حصلت وحده تعلم البنات دوراتج بسعر 300 وقلتلها هالدورات لأم غـلا قالت عادي لو تبين انا بعطيج كل دوراتها بـ300 ليش الطعن ف ظهري بس انا حبيت اقولكم بأني لا ادعيت بأني علمت حد من التاجرات ولا غيره والحمدلله الحقوق محفووووظه لي وبأسمي ونبهت الكل بأن في الفترة الاخيرة طلعن بنات هدفهن يخربن علي ما اعرف ليش وانا والله العظيم أن فيه حريم اتصلبي اللي متعلمه هب صح وعلمتها وعدلت لها دورتها ببلاش واللي اشترت كتاب بـ2017 في بوكس من وحده وانصدمت بأن كل الطرق منسوخة من النت واللي بعد دفعت 700 وخذت نفس دورة وحده من الاخوات حاطتنها في المنتدى ببلاش