شو أحسن جهاز لشفط الحليب؟؟!!

أدري إني كثّرت بالأسئلة
بس ما لي غير الله ثم انتوا

الله يوفقك يارب

وكل اللي جربه يمدحه جربيه وإن شــآءالله يعيبج يـآآرب ..

وبالنسبة لألم الصدر حطي كمآدآت دافية وربي يخفف عليج يارب ..

هو كهربائي و فنفس الوقت تقدرين تشغلينه بالبطارية
و ماحس بالويع يوم اشفط الحمدلله الجهاز وايد مريح

ماعندي فكرة عن تخزين الحليب لأني اشفط لبنتي الصبح و اسير الكلية
وعقب كمن ساعة تنش الحلوة وتخلصه ماشاء الله
احاول ما اعطيها الصناعي وايد
بس الدكتور قايلي خلي الحليب فالثلاجه

عن الشفط اذا بالثلاجه يحفظ لج من 3 ل5 ايام اعتقد بسس تاكدي بكون مكتوب لج فالتعليمات اعتقد
انا كنت احفظ الحليب بالفريزر يتم صالح من3 الى 5 شهور
اخذي اكياس حفظ الحليب من نفس الشركه احسن لج من المراضع اذا ناويه عالتفريز واهم شي اتكتبين التاريخ على كل كيس عسب لما تستخدمين تستخدمين القديم قبل اليديد وتتاكدين ان صلاحيته مانتهت واخترب
ثاني شي عن الحضانه عندج بعد من نفس الماركه شنطة سودا مربعه يكون داخلها مثل الواح الثلج عسسب لو رايحه مكان او مسافره الحليب يتم فرش في بيئه بارده لان مب زين اطلعين الحليب فجو عادي او حار وبعدين تبردينه وبعدين اتحرينه وجي … فانتي حاولي اتحطي الكميه اللي يحتاجها طفلج للحضانه بالشنطة ومن توصلين خليهم يحفظونه لج بالثلاجه وخبريهم

والسموحه عالاطاله ..ان شاء الله اكون افدتج