شو رايكم هالشي في اربيعتي بس والا كل البنات؟

السلام عليكم سيدات الأمارات
عساكن مرتاحات يارب

لاحظت هالموضوع ع اربيعتي
وااايد تستانس لما واحد يتم يطالعها
مادري يمكن تحس انها وااايد حلوه و مرغوبه واالا شو السالفه

بس اذا حد يه صوبا ورمسها بأسلوب مب زين ما تسكت له
يعني هي انساااااانه محترمه لأبعد الحدود وما ترضى ان حد يتجرأ ويتمادى وياها ابدااا والا يقولها كلمه طالعه والا نازله أكيد فاهمين قصدي

بنات ابا اعرف شو معنى هالشي هل هو احساس بالنقص والا شو بالضبط

يمكن انا مب عارفه كيف أعبر لكم وما اظن انها تعتبر مشكله

هل هالأحساااس اتحسه كل بنت والا لا؟

مادري في حد منكم يحس بعد بنفس هالاحساس لما واحد يتم يطالعها بنظره أعجاب طبعا تفرق نظرة الأعجاب عن النظره الثانيه طبعا كلكن فاهمات قصدي أتوقع انه نظره عن نظره تفرق.. في حد يتم يطالعج بنظرة أعجاب انتي حلوه وكاشخه وفي نظره اتكون وقحه..

مادري خربط واايد بس اللي تفهم قصدي اتجاوبني والا اتحب اتقول كلمه فيها تجريح فما له داعي صرت اخاف اكتب اي موضوع في هالقسم بسبت اسلوب بعض البنات في الرد

لا اله الا الله سبحانك اني كنت من الظالمين

امممممممم

واااايد بنات جذه يحبن لفت الانتباه والمديح هههه

امممممممممم انا بعد نفس الشي

امممممم ربيعتي جيه مع انها محترمه ومتزوجه بعد .. وكل شوي تصد واطالع الي يطالعها شوفي هذا يطالعني ومادري شو وهالشي يضايج فيني ووايد تستوي لنا مواقف يوم اكون وياها لانهم يتحرون انها تبى تتعرف عليهم طبعا اقصد الشباب ويرقمون وحاله حتى ولو قالو شي هي تنتبه اما انا ولا ادري بالدنيا ولا اطالع ولا اتصدد لحد لووول
ياما قلتلها طنشييهم طنشيهم ماتسمع الكلام

هيه في بنات جيه يستانسن عا هالشي عشان يحسن انهن حلوات ما اعتقد فيها شي إذا محد تجاوز حدوده بس عاد ما يطول النظره وهي اطول الضحكه هاهاها

في واايد بنات جيه وبعدين حبوبه كل بنت تحب حد يمدحها ههههههه واايد نصدق عمرنا يعني فنفس اللحظه عقب ننسى ونكمل وانا مب قصدي من ناحية الشباب ابد قصدي يوم تمدح البنت