ضيافه المولود

فوق فوق
حبيت ارفع الموضوع لاني ماعندي فكره

ممكن الاقي نفس الافكار في دبي؟؟؟ ووين؟؟

لي شوكولا في عجمان

وبعد مركز سبلاش عنده مال الهداياا وسعره رخيص

وفواله عندهم حلاوه بعد للتوزيعات رهيبه

وتبين شي مميز عند باتشي

اختي انا خذت وااايد اشيا وافكار يديده والله العظيم من نبـراس الامارات اللي عدال بيبي شوب وسبلاش( أسعاره شوي اغلى من اللي في عيمان بس بعد شي بدرهمين و ثلاث وخمس).. وعنده الشرايط اللي مكتوب عليهن it’s a boy /girl
يمييييع الشي …وخذت بعد من سبلاش اللي في عيمان (درهمين و ثلاث وخمس).. وشي بعد محل هدايا عالشارع الثاني مجابل سبلاش بعد عنده افكار وتوزيعات حلوه (درهمين و ثلاث وخمس) .. شوفي اختي انا خذت 6 أشكال توزيعات .. من كل شكل 15 حبه او 20 حبه .. وتتراوح اسعارهم ما بين درهمين ونص ..ثلاث دراهم .. خمس دراهم .. وعشر دراهم … والله والله انه اللي انا ماخذتنهم حصلتهم عند وااااايد تاجرات ومحمصات الحبه يحسبونها عليج ب 10 والا 15 ( وهو مكــوَد في السوق برخص) بالنسبه للأشياء اللي بتحطينها .. خذت من سوق القديم مخلطات عربيه وعطورات عربيه التيييج التوله ب عشر دراهم .. انتي بتحطين في كل توزيعه ربع توله يعني بيكلفج مال 3 او 4 دراهم .. الفكره الثانيه تشترين دخون الغرشه فيها 20 او 15 حبه ..لفي كل حبه دخون بألومنيوم و زينيها بعدين بتور ازرق اذا كان المولود ولد وحطي له شريطه زرقا .. وعندج فكره تحطين حلويات .. وبعد كاكاو .. يعني شي ما بيكلفج فوق ال 600 درهم او 700 وشغل حلووووو وانتي مسويتنه ومقتنعه فيه ..شوفي انا يوم بخلص اللي انا مسوتنه بحط لج الصور ان شا الله

الغـــاليه لا تتريين لين الشهــر الياي .. انا كنت في السابع وكله اقول بتريا لين آخر الثامن والا التاسع .. وكنت محصله اشياء رووووعه .. الحين ماشي والله … قمت شسوي كل ما اشوف شي آخذه .. حتى آخر مره سرت نبراس الامارات حصلت المراضع بالاكياس وااااااايد والله وبكل الاحجام وما خذت الا شوي .. الحين يوم سرت باخذهم قالي ماشي خلصوا .. بس بنطلب لج من فرعنا اللي في دبي ويباله اسبوع لين يوصل .. يعني ان شا الله باجر بسير آخذ المراضع
لا تأخرين وسيري من الحين .. ما شا الله السنه هااااااي واااااااايد يسووون هالتوزيعات والحركات وكل شي حلووو يخلص لانه التاجرات يخلصون ويخمون السوق خم ههههههه

الله يوفقك
ولوكان من ايدك يبقي افضل وارخص ومايتقيم