انتهزت سلمى انها بروحها مع راشد واتشجعت وقالتله:
سلمى : راشد ممكن أتكلم وياك بأمر وتسمعني.
راشد صخ ولا قدر يتكلم ما توقع هالشي من سلمى العادة البنت يوم عرسها تكون مستحية ولا تقدر تترمس , بسسلمى كسرت هالرمسة لأن عندها موال وحابة تغنيه .
راشد : تفضلي .
سلمى : راشد أهلية جبروني اني أتزوجك وأنا ما أريد أتزوج ألحين ,/هنيه تقول حد صب ماي باردعليه , شو تقول هاي لا وايدعليها ألحين تقول جذيه لا وفي ليلة دخلتي بعد .
راشد : انزين شو يعني هالكلام ألحين , لا تكونين الا وحابتلج واحد بعد .
سلمى : والله اني ما أعرف حد , ويشهدعليا ربي اني ما شفت ريال ولا تكلمت معاه الا انت وألحين .
راشد : عيل شو يعني رمسج هاي .
سلمى : أنا ما أريد أعرس ألحين .
راشد : ما تريدين تعرسين ألحين والا ما تريديني أنا بالذات .
سلمى : الصراحة الاثنين .
اندهش راشد من صراحتها وفي نفس الوقت اتضايج وايد .
راشد : انزين شو تبين الحين .
سلمى : أباك تطلقني .
راشد : ينيتي انتي شكلج .
هنيه قام راشد وعج كندورته وراح الحمام .
سلمى خافت وايد وهيه ما تتوقع شو ردت فعله الحين بعد ما يطلع .
فا جئها راشد يوم طلع متيدد وقم وفرش سيادته وصلى ركعتين ويوم خلص , طالع سلمى وحس بها انها خايفه منه .
راشد : سلمى أباج تعرفين شي واحد , أنا الي ما يباني مرة ما أباه عشر ومثل ما انتي ما تبيني أنا بعد نفسي عافج /هاي الكلمة عورت سلمى بس في نفس الوقت ريحتها //يا بنت الناس عشان المشاكل ووضعش عشان محد يتكلم عليج اذا طلقتش الحين خلينا نعيش اخوان كم شهر بعدين بنقول ما توافقنا والطلاق أحسن , وعلى فكرة أنا تراني برقد على الدعنة تحت وانتي رقدي فوق على الشبرية .
سلمى طول هالفترة صاخة وما قادرة تتكلم .
وتمر الأيام وهم عايشين هالوضع , وكانوا صدق ممثلين الدور وتاقنينه عدل بعد , ألين حدث شي في أحد الأيام وكان مار على عرسهم شهر ………………………………………….. …..
أم راشد : أبوي راشد تراه ما بقى شي على سفرك جهزت أغراضك وبتاخذ حرمك صح مثل ما قلت ذاك اليوم .
راشد : هيه أماية زهبت اجشاريه , بس سلمى تراها ما بتروح وياي .
أم راشد : شيه عاد أبويه , خذها معاك بنطمن عليك وانت بالغربة .
راشد : أماية سلمى عندها جامعة وأحسلها تيلس تخلص جامعتها .
أم راشد : اذا متفقين خلاص ما في اليد حيلة .
راشد : هيه الغالية متفقين .
وبعد أسبوع من هاي الرمسة سافر راشد , وكان باقله سنه ويخلص ويرجع البلاد .
في أمريكا ………………………………………….. ……………
عارف : //صديق راشد وكاتم أسراره , والكل كان يعرف انه يموت في راشد وحاسبنه حسبت الأخو وهو من الكويت :هلا والله هلا براشد كيفك حبيبي .
راشد : خوز عني هناك خل عنك هاي اللواته .
عارف : ايه ليش عاد وأهون عليك .
راشد : تهون علي ونص .
عارف : أفا وأنا اللي أقول انه ما حد مثلك بين الناس .
راشد : هيه العب علي خوز عني هناك , شيه ما ييت يالخسف عرسي والا هب قد المقام .
عارف : مقامك عالي يا الشيخ ’ بس والله ما تعرف شو صارلي والا بتاخذ بخاطري .
راشد حس أن عارف فيه شي : عسى ما شر يا عارف .
عارف : الشر ما يجيك بس والله الوالدة عطك عمرها .
راشد : لا اله الا الله , عظم الله أجرك ، شيه ما خبرتني وقم يتأسف منه وفي نفس الوقت يعاتبه .
عارف : ما كنت أريد أضيع فرحك بالعروس .
راشد : كل شي يروح الا صداقتنا يا عارف ما تروح .
عارف : راشد خل عنك انت متغير شو فيك .
راشد : لا والله ما فيني شي بس شوي تعبان
عارف : وتعال ليش ما يبت زوجتك معاك أب قايل بودركم يالخمة .
راشد:اتصدق عاد ما قدرت أودرك عسب شيه عاد ما يبتها وهنيه الكل ضحك .
طافت الأيام ومر شهر وثنين وثلاثة بدون ما يتصل راشد بسلمى والا حتى يدزلها مسج ………………………………………….. …………………………………….
في الامارات ………………………………………….. …………….
أم راشد : أبوي سلامي راشد الا ما دق عليج تيلفون .
سلمى : // هنيه ما عرفت شوتقول الا انها تكذب // الا دقلي عموه ويسلم عليج وعلى عمية بعد بس أنا نسيت .
أم راشد: يوم يدقلج مرة ثانية قوليله دق حج أمك يالخمة تراها شفقانه على صوتك .
أبو راشد : اشفيها عيوزي متضايجة .
أم راشد : من ولك .
أبو راشد : أي ولد فيهم عشان أقصبه مزعل أمه الجلب .
أم راشد تتطنز , أنا زعلانه من راشد من راح ما حتى كلف عمره يتصل فينا تيلفون نخابره .
انتو يا الرياييل قلوبكم غير شكل ما تحاتون
أبو راشد : لا تحاتينه أب ياهل هو هذا ريال ومعرس وباشر بيصير أبو .
هنيه حست سلمى فيه كلام بيتوجهلها وياية تنش عشان تشرد الا…………………………………….
أم راشد : الا صدق سلمى مب حاسة بشي .
سلمى : بشي لا عموه ما بحاسة بشي مولية .
أم راشد : حبيبتي سلامي يمدحونها هاي الدكتورة خليها تفحصج.
سلمى : تفحصني ليش عموه, أنا ما فيني شي //وهنيه خافت سلمى //
أم راشد : لا حبيبتي بس انتي من عرستي من ثلاث شهور خليها تطالعج ممكنحامل .
سلمى : لا ما أظن ، وبعدين لو حامل بيظهر أب شيه .
أم راشد : على كيفج أبوي ، بس يالله بفرحبهم عياله راشد يوم ايون تراهم عيال الغالي بجري .
سلمى : ان شاء الله .
بعد كمن يوم من هاي الرمسة ………………………………………….. ………………….
أم راشد : تعرف قم بو هلال .
أبو راشد من بو هلال هذا .
أم راشد : بو هلال يارنا الأول ما تذكره .
أبو راشد : ها هيه عرفته شو بلاه .
أم راشد : اليوم يتني حرمته تبا فطامي حج ولدها هلال .
أبوراشد : والنعم الساع والله عيله ونسب بس بسأل أخويا قبل شاد يباها حج حد من عياله.
أم راشد : انزين اسأله ورد عليا علشان أرد على الحرمة .
وراح بعدها بو راشد حج خوية بو محمد وقاله عالموضوع واستسمحه في الأمر وخاصة انه بو محمد ما عنده باقي غير ولد أصغر من فطامي بوايد بعده في الثانوية .
أتركم ألحين ونكمل مع الجزء الثالث من طيف راشد في القريب العاجل وعاد لا تبخلون علي بالرد الحلو ومستعدة أجاوب على كل استفساراتكم وسامحونا على القصور
بالتوفيق اختيه ..
