عروستكن بنت احمد محتايتنكن يالعرايس تعالن

مرحبا ملايين و لا يسدن
شحالكن ؟ عساكن بخير و سهاله

اريد آخذ مريه و مرتعشه
المخاوير عمتيه ربيه يحفظها خورتليه اياهن
بس ياليت تقولوليه شو الي اشتريه للزهبه
لأني مادري اذا البيزات بيسدن و لا
و شو الثياب الي بحتايها ؟
و كم نعال آخذ
و كم عباه ؟
و ملابس داخليه
ساعدوونيه

امبلا حبيبتي بيسدنونج ان شالله انتي لا تفصلين وايد اشياء لان الموديلات تجدد كل فترة
والله يتمم لج على خير

هلا حبيبتي… ان شاء الله اذا كنتي قنوعه واقتصاديه ومو مسرفه وايد
وخذيتي اللي تبينه وما كثرتي منهم… صدقيني بيكفون..

زهابي مع مهري كان 6000 ريال.. ولما حولته بالدرهم نقص منه 3000
يعني صاروا ( 57.000) درهم وصرفت منهم تقريبا 13.000 لأهلي
والباقي تصرفت فيه بحدود المعقول والحمد لله خواتي واهلي ما قصروا معاي.. بالاضافه ان راتبي مساعدني بأشياء بسيطه.. واهم شي اني مقتنعه باللي خذيته..

ان شااء الله بيسدوونج حبيبتي بس فعلا لازم تقتصدين في البيزات وان شااء الله بيكفوونج

اتمنا الخوات يفيدونج اكثر ^^

بلى الغاليه بيسدن ان شاءالله . . وبيزيد بعد اهم شي ما تكثرين من الملابس لان كل شي يتجـــدد
كلحين ينزل موديل يديد .. ف عسب جيه لا تكثرين من الملابس ..

وموفقه حبيبتي . .. وربي يتمم زواجج ع خيــر . .

تسلمووون خواتيه ع الرد ما عليكن زود
بس ياليت تقولولي كم بدله آخذ و كمن مغربيه افصل ؟

اختي قسمي كل شئ اول

موفقه ان شاء الله
مبروووووووك