البارحه كنت عند الدكتوره … قالتلي والله انتي في اول الثامن … وسالتني عن حركة البيبي
قلتلها بالعاده احس بالبيبي يوم يتحرك …
بس
قبل البارحه … ما حسيت وايد …
تراها شو … عاطتني جدول عسب ايلس احسب عدد الحركات البيبي
كل الجداول مليتهن فوق العشر حركات والحمدالله
بس جدول واحد كان اظني 6 حركات … وبس
جان اتهزبني اونه شو … المفروظ كنتي تراجعين الطواري … فقلتلها انزين اليوم الثاني حسب الحركات طلعت فوق العشر …
ما ادري خلتني اوسوس … واليوم شويه وبصييييييح ما حسيت بالياهل الا على الظهر
والا في السابع والسادس كنت احس بحركة البيبي … من الصبح
زيغتني والللللللللللللله 
ملاحظه : وقت الحسبه 12 ساعه في اليوم … يعني اذا بديت احسب من ساعه 7 الصبح … اتم احسب لين ساعه 7 المسا وبهالطريقه
الغاليه مب شرط حركات معينه شو هالخرابيط
انا كنت احس انه يرافس ووايد واحيانا مول ماله حس وعادي يمر يوم كامل وما احس بشي
عادي ختولي الدكتوره لاتعورين راسج ؟؟
المشاركة الأصلية كتبت بواسطة عـيـشي بـلادي 
مشكوره يالغلا
ترا انا قلتلها جي … مرات احس بالحركات وايد اظني يكون نشيط فديته … بس مره وحده واليوم بعد ما حسيت بالحركات كثر اول
وحرمة خويه قالتلي شرات ما قلتيلي انه .. مرات يكونون نشيطين ومرات لآ
انا يوم انسدح على ظهريه … احس بحركات 
ويوم ايي امشي … احس بطني يتيبس ما ادري كيف …
المشاركة الأصلية كتبت بواسطة غيابك اتعبني الغاليه مب شرط حركات معينه شو هالخرابيط
انا كنت احس انه يرافس ووايد واحيانا مول ماله حس وعادي يمر يوم كامل وما احس بشي
عادي ختولي الدكتوره لاتعورين راسج ؟؟
هي شفتي كيف … بهدلوني والله
مشكوره يالغلا … ما قصرتي