شحالكن خواتي عساكن الا بخير وبصحه وسلامه
اليوم سرت عيادة الدكتورة (…………………..) ويلست اتريا واتريا بس عشان اسألها اسألة بسيطة والصراحة ما يسوى عليه تعبت من اليلسة والصراحة بيني وبينكن ما عيبني اسلوبهم في العيادة …تخيلن البنت اللي تشل الملفات معصبة وشوي وبتصفع اللي حولها وحوليها والدكتورة مب متفيجة ويوم نادت الدكتورة البنت مالت الملفات جان تمشي من جدامي وتتحرطم واتقول ( الله ياخذ هالعيشه … شو بدها هاي…. شوبدها هاي …. ) وبصوت عالي فقمت وشليت بعمري مع اني كنت اتريا اسألها 
خواتي عندي اسألة ممكن اتجاوبوني عليها ؟؟؟
متى يحدث الحمل …يعني في اي يوم بعد الدورة ؟؟؟ وهل اذا دورتي كانت 7 ايام تختلف في الحساب عن النساء الاخريات ؟
وشو هو الوضع الملائم للحمل ؟
وشو احسن عيادة نساء وولادة ف العين ؟
يعني بالمختصر ابا احمل شو تنصحوني اسوي ؟ بليز ساعدوني الله يفرج كربكم فهالايام المباركة
فيني صيحه ما ادري ليش
وانا نفسج فيني صيحة
ربي يرزقج ويرزقني ويرزق كل محرومه
بعطيج موقع تقدرين تحسبين فيه متى يكون فترة التخصيب والحمل
https://www.sehha.com/medical/pregnancy/conceive.htm
ولكن
ما زلت عند ضني
مشكورة سرب المعاني مرة ثانية
تعالي انصيح رباعة : )
مشكورة ع الموقع وان شاء الله يرزقنا بالذرية الصالحة قولي امين