قولولي شسوي ويا ريلي ):

بسم الله الرحمن الرحيم
شحالكن حريم وبنات

قبل كل شئ ابا اشكر بنت عمتي عهد المحبه ع انها خلتني اطرحلكن مشكلتي

بنات انا مالجه و واااايد اضايق من حركات ريلي … بما انه هالايام احتفالات بعيد الاتحاد مب طايع اني اسوي ولا اي شئ مع اني ما اسوي شئ من دون علم اهلي

يعني انا خاطري اعلق علم ع سيارتي ( خاصا يوم اشوف سيارات ربيعاتي ف الجامعه ) احس اتحمس وحلووو الشي .. هو يقول لا اقوله انزين ليش يقولي اونه تبين يلفت النظر , وتبين منو يشوفج
كلامه يقهرني .. قلتله اوكيه ماعليه مابحط

انا متعوده كل مسيره اروح ويا اهلي يعني امي وابوي واخواني الصغار وخواتي وحتى يدتي ويانا واوقات عماتي اللي كبري
يقولي هالمسيره تحلمين تسيرينها اقوله اوكيه ويا هلي يقولي مافي حتى كله شباب . انزين انا ماروح عسبت الشباب انا رايحه استانس بالاحتفالات وفرحة العالم
اقوله اوكيه في فعاليات وفي حفلات يسونها واهلي خاطرهم يسيرون يقولي اوكيه عليهم يسيرون انتي لا تمي في البيت

حتى انقهرت قبل كمن يوم شئ حفله فوحده من المدارس ( لذوي الحتياجات الخاصه ) وقلتله خاطري اسير وخاصه لان وايد ربيعاتي وبنات هلي كلهن بيسيرن قالي لا مع انه اخته راحت .. اوكيه ليش يخلي اخته وانا لا
انا ماحب جيه يتم كله لا لا لا وانا اقوله من عيوني كله ولا زعلك واهم شئ رضاك بس بعد انا اضايق احس خانقني واايد

يعني حتى طلعات وروحات كله يقول لا

وفوق ها كله هو بيسير المسيره ويا ربعه وانا ما اداني ربعه من سوالفه احس كله ماعرف كيف
وكان شئ احتفال بجامعتنا بالزوووور خلاني اسير ولا يوم دخلت كانو اساتذتنا ملبسينهم كنادير وغتر فعيبني شكلهم صورتهم وهم بعد مسوين حبتين ولابسين كله مال الامارات وطرشتله الصوره ,, دق يهزبني شو ها وانتي وايد ماخذه راحتج ومستانسه تصورينهم ,, انا كنت مستانسه وربي تميت اصييييييييييييييح يوم بند ماعرف ليش
عقب طرش مسج برايج سوي اللي تبينه انا بروح راس الخيمه تميت ادق عليه مايرد عقب غلق فونه ّ(( اوكيه ابا افهم شو اللي سويته// ماسويت شئ غلط انا )) عقب ع المغرب جيه رد دق رديت عليه وقالي شو فيج بس تم يتكلم عادي وقالي خلاص اخليج لاني ويا ربعي بند وتميت اترياه يدق مادق ودقيت عليه مايرد طرشتله مسج مارد وتميت اترياه الين الساعه 4 الفير وانا تعبانه لي كمن يوم ما ارقد مثل الناس والعالم يوم وصل قالي يالله انا وصلت وبرقد

اوكيه انا اترياك وعقب جيه وطووول اليوم اتريااااك وفوق ها يقولي ليش مضايقه

شو اسوووي والله احس عمري واااايد مضااايقه وها ولا شئ من الايام اللي طافت بس لانه محتررره مب مخليني اسوي شئ وهو ف خاطري

قولولي شسوووي انا احبببه وهو بعد يحبني بس غيرته واايد فضيعه وتضايقني وانا ماحب جيه ابداااا

تبين حياة زوجية مثالية لازم تطيعين ريلج !!

لا تيلسين تقارنين حياتج في بيت أهلج يوم انتي بنت ويا حياتج الحين كمالجة وفي شور ريلها ..

شي طبيعي الريال ما يرضى حرمته تشارك في مسيرات (حتى لو ويا أهلها)
لأنه ريال ويعرف شو اللي يستوي في المسيرات
و100 % يسمع تعليقات رباعته على الحريم اللي مشاركات
وهذا شي يحرجه !!

ايلسي ويا نفسج واسئلي عمرج : شو الأهم بالنسبة لج ؟ ريلج والا المسيرة ؟

وبخصوص صور الاساتذة :
بنصحج نصيحة لج ولكل وحدة تبدأ حياتها الزوجية :

الحرمة ما تخبر ريلها بكل صغيرة وكبيرة في حياتها ..
الله خلق الريال تفكيره غير …والحرمه تفكيرها غير ..

تبين تصورين اساتذتج صوريهم للذكرى بس ما في داعي تراوينه .

أدري تبينه يشاركج كل لحظاتج الحلوة ..
بس مبين انه من نوعية الرياييل الغيورين على زوجاتهم
وبما انج رضيتي فيه ..لازم تعودين عمرج على تقبل هالصفة ..

النصيحة الثانية : الحرمة تروم تكسب ريلها وتخلي ينفذ طلباتها بأسلوب !!
خلج ذكية واعرفي شقايل تسايسينه

الله يسعدج

نفس الحاله خخخخخخ
انا ريلي ما يحب هالسوالف بعد
بس في الدوام كان عندنا احتفالات وجي بس ماقالي شي عادي ضمن الدوام
امم بس مسيره مايحب
حبيبتي لا توترين نفسج
يعني انا اقولج اا هالسنه ما خلاج السنه اليايه بيوديج عادي
نصيحه مني لج لا تعاندينه و لا تحرقين اعصابج لان هذا طبع الريايييييل كلهم
اذا ما دق طرشيله مسج و خلاص

اتعاملي معاه كصديق مو ريل تربطين كل صغيره وكبيره فيه
يعني تحترمينه و طيعينه و تشاورينه و كل شي بس بعد حياتج لازم تكون فيها استقلال يعني مثلا تترينه و مايه على العشى لا تتحطمين خلاص ظرف وصار استمتعي بالعشا بروحج عرفتي
كلامي صعب يمكن بس الي عرسوا بيعرفون هالاحساس خخخخخخ بعد الصدمات الي صارتلنا
توج مالجه بس حطي هالكلام ببالج

الله يعينج الغالية
ان شاء الله حد يفيدج حبوبة
للرفع

عادي خويتي ,, امر متوقع اهو مش قصده يحرمج ولا يتسلط عليج

بس يمكن اهو من النوع ما يحب هالسوالف

لان وايد حركات خايسه تستوي حتى لو كنتي مع اهلج

الشباب يعرفون هالحركات اكثر عنا وتستوي مواقف و و و و امور محد يعرف فيها

وايد بتسمعين من البنات يقولون لج لانه اهو يسوي هالحركات ومب واثق من نفسه عشان جيه يعاملج جذا

انا اقولج لا ,, انتي ادرى بريــلج ,, عشان ترتاحيـن لازم تطيييعين شووره ,, في كل شيء الا بمعصيه ربج ^^

ليش ما تقولين له ,, بطلع اتمشى معاك انت وخواتك مثلاً

يمكن يوافق ..؟!!

اختى بصراحه ذكرتينى بغيره ريلي ايام الملجه
بس الحمد لله يوم عن يوم قدرت
اتغلب على هالغيرة مره بالاقناع ومره بالطاعه ومره بالتطنيش
والحمد لله على كل حال .. والحياه حلوه
وانا أييد كلام اختنا ياقوتةخضرا
لا تقارنين حياتك مع زوجك بحياتك في بيت اهلك ولا تقارنين نفسك مع أخته ..
الريال سلطه على حرمته مش على اخته لانه اخته عندها اب يحكمها
وحاولي تتجنبين الكلام في المواضيع اللي تثير غيرته
وعلى ما اعتقد ومبين من كلامك انك الحين تعرفين شخصيته
واللى يحبه واللى ما يحبه
وانتى بأيدك الحل اما تجنب المشاكل او اثارتها

انا اشوف ان ريلج يغار عليج مو اكثرر يعني الاشيا الي منعج منها مب مبالغ فيهاا

اي ريال وخاصه ايام الملجة راح يكون فنفس موقفه

وانتي لا تحاتين واسمعي كلامه لو في شي تحسين انه صدق مايخصه فالغيره

حاولي تقنعينه باسلوب حلوو

وعلى فكرة شوي شوي راح تخف هالغيره بعد الزواج ^^