هذا رابط موضوعي يوم كنت استشيركم باالامي
بنات انا بعد مااستفسرت منكم رحت للدكتوره بس بمستشفى حكومي مو دكتوري لأني بولد بمستشفاهم واول ماقلت لها عن الآمي قالت لي هذي اعراض ولاده مبكره ولازم اشوف الرحم كم سم مفتوح!!
طبعا هي قالت لي انا انصدمت وانهرت مو عارفه كيف بولد بالسابع ومدري شو وبعد كنت متضايقه من زوجي يعني خلاص انا منهاره من اساس ومتضايقه وهي ماقصرت الشيخه على طول صدمتني
قلت صبر بكلم امي .. اول ماقلت لأمي انصدمت وقالت تحملي يقربونك .روحي لدكتورك اللي عارف حالتك زين ولو قال نفس كلامهم توكلي على الله وربي اعتفت وامي اعتفست وياي جلست تحاتيني وهي بالسعوديه
المهم انا تميت ابكي وعقب رجعت للدكتوره وشفت النيرس تدور لي<<وربي كنت بكفخها قمت اقول في بالي((المجرمه تبي تذبحين انا والنونو ؟!! شوي وارفسها واحط اللي بخاطري فيها))
قالت لي انتي مدام فلانه وربي بغيت اقول لا هي هنااااااااك قاهرتني وجهها وجه نحس علي
المهم اول ماقلت للدكتوره عصبت ورمت القلم وجلست تناظرني وتقول انتي لازم نفحصك ولازم تنامين بالمستشفى ونشوف الرحم كم سم مفتوح وعقب نعطيك ابره لتقويه رئه النونو انا هنا عصبت وامبغيت ابين اني ببكي المهم شافوا نبض النونو وقالوا زين النبض
وراحوا يشوفون التقلصات وماقالوا لي النتيجه شنهي؟!
رحت لها وكتبت لي تحميلات وقالت لي استخدمها مرتين باليوم قلت طيب ليش؟ قالت عشان التقلصات واذا تكرر الألم تعالي على طول لاتهملين نفسك وخلتني اوقع على اني مسؤوله عن النونو لي صار فيه شي ((بسم الله على نونوتي)) وقلت طيب فيه دواء غير التحميل قالت فيه بس حبوب ولكن تقلصاتك قويه عشان كذا بنعطيك تحميله وقلت عطيني حبوب رفضت قالت التحميل ازين لك
وربي ماعرفت انام ولاعرفت امشي من الآلآم وهذني الحين منسدحه على ظهري وعلى الله ولازالت الامي مصاحبتني والتحميلات مااخذتها عشان برجع استشير دكتوري وبنشوف شو الله كاتب دعواتكم…
وربي خايفه مابي اولد الحين وربي حتى تجهيزات النونو ماجهزت ااااااخ ياربي ياكريم
تحياتي ودعواتكم حبيباتي
بس اذا الله كاتب لج الولاده هالفتره ان شاء الله ربي يسهل عليج يا رب وتربين بالسلامه ويكون النونو بخير وعافيه يارب
بس اذا قالولك ولادة مبكرة لا تجازفي سويها وتوكلي على الله … وربي معاج ويخفف آلامج ويثبت حملج
انتي ريحي عمرج ولا تتحركين وروحي استشيري دكتورتج احسن …وطمنينا عليج
الله يهديج بس