شحالكن خواتي عساكن الابخير حبيباتي انا تعرضت في الدوام لمشكلة عاطفية والحمدلله انها بيني وبين نفسي انا تعلق قلبي في زميلي في العمل وهو بصراحة مسؤولي المباشر يعني غصبن عني احتك فيه فامور الدوام بس بدايتي معاه كنت ما اطيقة لانه وايد شديد وظاغت علي عشان التزم في حضور العمل بوقته وانتج اكثر في العمل وبعد الظغط والمعاملة القاسية الي كان يعاملني اياها انا تغيرت للاحسن وايد وهو كذلك معاملته تغيرت وايد لين اصبح يلمح لي بكلمات ود وعطف دايم يهتم فيني ويوم يشوفني مضايقة يسئلني شو فيج ويسئل عني ،،ومرة من البنات قالوا امبين انه يحبج انا طنشت كلامهم و.. و,,و..و..و……الخ وكنت اخاف من ان يلعب علي وكان يقولي كلام وايد انا ادخل واطلع من الصوب الثاني بس كلامه اثر فيني وغيرني لاني في البداية ما كنت اطيقة واتحمله بس بعدها قلبي تعلق فيه انا مشكلتي الحين اني حبيته بكثرت اهتمامه فيني وابا اتخلص من هالحب هو ماشاء الله وسيم جدا وشخصيته جميلة وجذاب اي بنت تحبه،ا بس خواتي اباكن تساعدني كيف اتخلص من التفكير فيه وحبه وهو يمكن حاس فيني من نظراتي بس الحمدلله ما حسسته بتصرفاتي،، حتى مرات البنات يستغرربون ويقولون اكثر وحدة يسولف معاهاويمازحها انا وهاي الغلطة الي خلتني اتعلق فيه وانا فتحت له المجال بسس اكثر وقتي اتعامل معاه بشكل رسمي كثر ما اقدر وحاول اني ابتعد عنه قدمت اماكن ثانية لوظايف ثانية وما قبلوني وفكرت باخر حل اني انتقل الي مجموعة ثانية بس المشكلة بشوفه وبيي يسلم علي وانا في صلاوتي ادعي انه ربي يبعده عني لاني تعبت من الحب والتفكيرفيه وبكرر الدعاء لين ربي يصرفه عني ادري بتلوموني بتقولون انتي الغلطانه لانه فتحتي له المجال انه يمزح معاج وانا بعد اقولكم اني غلطانه مليوووون مرة بس ما ابي لوم وعتاب ابا حلول انشغل عنه من التفكير انا فكرت اروح مركز تحفيظ قران دلوني على مراكزتحفيظ قران في الشارجة والله لو تحسون بقدر المعاناة كان عذرتوني وانا احاول ا اني اكون جادة معاه جدا واكلمة بشكل رسمي مع الدعاء في الصلاة افيديوني يزاكم الله خير والله تعبانه
مرات كثير بنات يوم يعجبهن شخص يفكرن انهن يحبنه ولو بدر منه شي مايعجبهن النفسية تتغير
ولكن حاولي تفكري بامور ثانية وحافظي على الصلاة والقران يمكن يوقف التفكير
واذا كان من نصيبك هو بيخبرك بنفسه بس انتي ادعي
لاتسمعين كلامهن ومعروف عن البنات عاطفيييات عشان شيه كلهن نفس الراي لكن ماتعرفين شو يرمسون البنات
من وراج لاتخبري اي وحده فيهن بمشاعرج تجاهه هذه سمعتج الغالية وماتعرفيهن باجر لو عرستي ونسيتي هن ماينسون
انتبهي على سمعتج وخاصة بالدوام وبعدين الرياييل مايستحون على طول لو حبو وحده
مابيطولون شرااات المسسلسلاات التركيه ومافي لف ودوران اللي يحبج بيخطبج على طول بدون حركات ولعب
وفي بعض موظفين العمل عندهم اسلوب وذكاء حاد في جذب البنات وهذه من الخبرة الطويلة بس ماياخذونها
يطيحونها في مشبكهم الخاص فيهم …خليج جادة بالعمل ولاتسوين شي تلفتين نضره والله بيعوضج خير
يمكن يكون معرس وابو عيال فلا تفتحيلج باب خليج بعيده عن المشاكل ,, الواحد يدور يرتاح بهالزمن وبيشتري
راحة البال باي ثمن وانتي تدوريلج المشاكل .. انتي موظفة وواجب عليج تشتغلين مب تشغلين عمرج بأمور خيالية تافهة نهايته ماتعرفينها شو …
طبيعي بالدوام ان المسؤؤل او مسؤلي المباشر او حتى المدير يهتم بموظفينه يراعيهم من ناحيه العمل والحالة الاجتماعية
بس الوحده العاقلة والرزينه تعرف تتفهم هالامور ……وربي يحفظج
علاقاتج الشخصيه او اي شي يخص الدوام خليه حق عمرج لا تخبرين اي بنت معاج فالدوام حتى لو تمن يعلقن وغيره طنشي ولا جنج سمعتي شي ..
بصراحه هالشي وايد صعب عليج وبالذات انج ما تعرفين هو بشو يفكر ويمكن انتي معجبه فيه لا اكثر..
حاولي انج تلهين عمرج باي شي وحفزي تفكيرج بشي ايجابي و الله يعطيج على قد نيتج
موفقه
