كيف اتواصل مع طليقي ؟؟؟

السلام عليكم خواتي … انا مطلقه من سنتين ونص تقريبا وعندي ولد … مشكلتي انه مافي اي نوع من التواصل بيني وبين طليقي سواءا مسجات او اتصالات مب علشان شي علشان الولد … حاليا انا متواصله مع خواته وامه وعلاقتي معاهم وايد اوكيه بس المشكله انهم دايما مشغولات لانهم معرسات والحين كل اهله مسافرين ما عدا اخت وحده واستحي ازعجها كل شوي … يعني الحين لو بغيت اشاور ابوه فشي يخص الولد اطرش مسج لاخته واتريا الرد … كلمت خدامتي علشان تكلمه اذا محتاجه اشاوره فشي تستحي وتخاف … المشكله انه يزعل وما يرضى اسوي شي يخص الولد بدون ما اشاوره وبالعكس انا مستانسه من هالشي لانه الحق ينقال يموووت فولده … الحين ابى اسجله فالحضانه صيفي ومب عارفه كيف اوصله الخبر … والله مستحيه من خواته اخاف يقولون فخاطرهم اني اكلمهم مصلحه … يمكن تقترحون علي اني اطرشله مسجات بصراحه مالي اخاطر اخاف يقفطني ( انا طالبه الطلاق بخلع ) ويمكن يتحرى هاي حركه مني وابى ارد له … والشي الثاني انه هو ايام ما كنا متزوجين ما كان يطرش مسجات وما يهتم وايد فيها لدرجة انه ما يعرف كيف يطرش مسج واصلنه لحد ثاني ولا يعرف يطرش وسائط مع انه متعلم … وايد طولت عليكم السموحه بس ممكن تشورون علي خواتي لاني صج محتاره … ودعواتكم لبرهووم بالشفاء

عادي قولي حق خواته لانها يخصهم ولد اخوهم وان شاء الله ما بيزعلو كلمي عمتج

خويتي طعي سوي اللي تبينه بولدج وبدون إستشارة مالها داعي بس لو المدرسة مصرة طرشي مسج حقه هو

عندج حالتي أبد ما أتواصل مع طليقي ما أتنازل ولو أريد شيء مثلا المدرس أخبر المدرسة أنهم يتواصلون مع أبوه عسب الأوراق الرسمية في حالتي الحمدلله كل المدارس مقدره بس في حالتج لو رفضوا طرشيله مسج شو ما ياكل

بس مب كل شيء تخبرين طليقج حاولي تستقلين عنه خلاص هو في حضانتج إنتي المسؤولة عنه

صح كلام الاخت روح الامارات صح انه هو المسؤول بس هو الحين تحت حضانتج يعني انتي اللي اتصرفي والله يسهل امورج

في الأشيا الاساسيه والمهمه لازم يعرف بس في الدراسه وجيه انتي مسؤولة عنه ،،

وسوي مثل الي قالت عنه انه تخلي المدرسه يكلمونه واذا ما قدروا يتاوصلون وياه تقدرين اتطرشين حق خواته وبالعكس ما اظن بيتأففون

اسمحيلي اختي بس انا ما اشاركج الراي .. لازم ابوه يعرف عنه كل شي ويتحمل مسئوليته معاي… لازم يعرف انه ولده مريض وفي اي مدرسه هو لازم يتخذ القرارات معاي .. الحمد لله اختي وبدون مبالغه باسلوبي خليت ابوه يحبه وما يطوف اسبوع بدون ما ياخذه عالويكند …حتى لو كان مسافر يوصي اهله يمرون ياخذونه علشان يتصل ويكلمه …تعرفين اختي انا اعرف حريم مطلقات عيالهم ما شافوا ابوهم من شهور والله وما يعرفون عنهم شي .. والسبب السموحه من الام … سوري دخلت ف موضوع ثاني

المدرسة ما تتحمل مسئولية تكلم الابو ما ابى ادخل طرف ثالث خواته والحق ينقال ما يتاففون بس انا استحي يوم اتصل فيهم بصراحه احرااااااج