إزاي تهتم البنت بشكل العين مع وجود الهالات السوداء وصعوبة التغلب عليها؟
العين أهم حاجة نركز عليها، هي دي سر الجمال وأكتر حاجة بتلفت الانتباه، عشان كده لازم البنت تهتم بشكل عنيها وصحتها.. ونصيحتي الأساسية للتغلب على مشكلة المشاكل لأغلب البنات وهي "الهالات السوداء".. طبعا بعد التأكد من إن الهالات ليست بسبب مرض ما -لا قدّر الله- شرب المياه بكميات كبيرة والاهتمام بالخضار جداً في الأكل، وتجنب السهر مهم جداً، النوم بالليل بيدي للوجه نضارة، وبيخفف من شكل الهالات… ومن الحاجات الطبيعية اللي بجد بتساعد في مشكلة الهالات هي وضع حلقات الخيار الطازج على العين.. المهم المداومة عليه كمان زيت اللوز الحلو مفيد جداً..
في حالة الفشل في علاج الهالات.. إزاي ممكن نخفيها بالماكياج، ويكون شكلها طبيعياً؟
في الحالة دي نستخدم كونسيلر فاتح ونوزعه بـ"الإسفنجة" المخصوصة بالماكياج وتكون رطبة "شوية" وبعد كده نحط "لووس باودر" حول العين من خبرتي دي أكتر طريقة لإخفاء الهالات بالماكياج…
من الحاجات اللي بتخلي شكل العين حلو وخاصة العين الضيقة القلم الأبيض من جوه العين بيدي ضي جميل للعين.. وعلى فكرة الموضة هي استخدام ألوان تحت العين زي اللون الزيتي أو الكحلي أو البني المائل على الدهبي شوية والرمادي، المهم تسييح اللون بفرشاة صغيرة… وبالنسبة للعين الواسعة تحدد من خارج العين على خفيف وتقل الماسكرا شوية
يارب الموضوع يعجبكم
ثانكس