لا إله إلا الله ..
خــــــــــــوااتي يزاكم الله خير ..
نـــــــــاوين انسير العمره جريب بعون الله تعالـــــــــى ..
نبغي نسير بس مكـــــهـ ..
ممكن تعطوني معلومــــــــــات أكثر اقطع تذاكـــــــــر لأيـــ مطـــار هل مطـــار جده وكم يبعُـــد عن مكــهـ ..
لو تخبروني عن الفنـــادق ..
وهل بحصل توصيل من المطـــار لمنطقة الفنادق الجريبهـ من الحرم ..
بإذنهـ تعالى ما بنســـــــــــاكم من الدعــــــــــاء ..
علمـــــــــا أنا سابقا كنت أسير ويا أهليهـ المدينه ثم مكـــهـ بس هالمره بروحنـــا أنا وريلي والميسر الله ..
فمــــــــــــــان الله ..
انا كمان حابه اعرف المعلومه والتكاليف لاني ناويه اودي امي و ابوي ان شالله
المشاركة الأصلية كتبت بواسطة attoya 
انا كمان حابه اعرف المعلومه والتكاليف لاني ناويه اودي امي و ابوي ان شالله
السلام عليكم ..
لا إله إلا الله ..
الله يتقبل منــــا جميعــــا والله يغفر إلنــــا ذنوبنـــا ..
بإذنهــ تعالى الخواات بيفيدنــــــــــا ..
والله يجعلج من البـــــارين بوالــدينج ^_^
وعمره مقبوله مقدما وعلى فكره شوفي حملة ابناء السويدي يقولون مسوين عروض التذكره مع السكن في فندق خمس نجوم بــ 1900 درهم
المشاركة الأصلية كتبت بواسطة لمياء دبي وعمره مقبوله مقدما وعلى فكره شوفي حملة ابناء السويدي يقولون مسوين عروض التذكره مع السكن في فندق خمس نجوم بــ 1900 درهم
السلام عليكم ..
لا إله إلا الله ..
يزاج الله خير ورحم الله أمواااتج ,,
بإذنهـ تعالى بدش الموقع وبتصل في حملة السويــــدي ..
1900 ما تغلاا ع هالمكــــــــــــان فديتج ..
أأثــــــــــــابكـِ البـــاري ..
المغادره: من مطار الاماره اللي انتي فيها
الطيران: تختلف الاسعار ع حسب الطيران…
طيران الاتحاد ع طول من بوظبي
طيران الامارات ع طول من دبي
طيران العربيه ع طول من الشارقه ( يعتبر الطيران الارخص)
طيران السعودي يوقف في الرياض نص ساعه وبعدين يوديج جده
مكان الوصول: مطار عبد العزيز الدولي في جده
المسافه: تبعد تقريبا ساعه اذا زحمه سيارات اذا لا ٤٥-۳۰ دقيقه
المواصلات في المطار:
عند باب المطار في سيارات وااايده يوصلون مكه وتقريبا تكلف ۲٥۰ درهم
وللرجوع من الفندق للمطار ممكن تاجرون سياره من الفندق او قدام الفندق في تكاسي اتفقوا معاهم ع السعر قبل لا تركبون..
الفنادق:
منوعه ع حسب الميزانيه والقرب من الحرم..بكتبلج اسامي الفنادق وشوفي اللي يناسبج:
۱. فندق ابراج زمزم
۲. فندق ابراج الصفوه
۳. فندق رافرز
٤. فندق التوحيد
٥. فندق ابراج مكه الهيلتون
٦.فندق المروه ريحان روتانا
شوفي هذا الرابط فيه كل فنادق مكه..
https://www.booking.com/searchresults…month=0&idf=on
والافضل انج تحجزين عن طريق حمله اذا هذي اول تجربه لج بالحجوزات…
واي خدمه انا حاضره..
دخلت موقع بوكينغ , ودقيت على الفنادق بنفسها قلت بحجز عندهم شخصيا,,
بحثت وبحثت وكنت متردده في مكة بين ( رافلز قصر مكه) (موفنبيك برج هاجر)(دار الغفران الي تابع لابراج الصفوة)
بالنسبة لرافلز السويت غرفتين وصاله سويت اميري الليله الواحده ب 4100 درهم اماراتي, في بوكينغ اغلى لانهم مايحسبون 15% وتدفعينها هناك فهذا السعر مباشره من الفندق,,,
بالنسبه للموفنبيك غرفتين مقابل الحرم الغرفه الواحده ب 1150 درهم الغرفتين في الليله 2300 تقريبا.ومااكدلي ان يقدر ايامن الكونكد. وماحسيت عمري مرتاحه من شكل غرفه في النت.
دار الغفران اعطاني سعر لهذا الشهر غرفتين وصاله ب 1450 ريال,, وقال يمكن في اسعار ثانيه الشهر الجاي,,
فكرت كثير فوجدت انه هالسعر معقول جدا صح رافلز افخم لكن دار الغفران بعد فخم وحديث وقلت الفرق بينهم عكم ليله كبير جدا الواحد يحطها بشي ثاني او بصدقه افضل باذن الله وبعدني بصراحه متردده,
للان مااكدت الحجز خلال هاليومين اهم شي احجز الطيران وبعدين الفنادق لان حجز الفنادق مؤمن اكثر من الطيران,,
وبالنسبه للمدينه اخترت اراماس المدينه , والسعر 745 ريال لليله الوحده للغرفه الي يسمونها سوبيريور يعني غرفه كبيره جدا مع جلسه ,
ان شالله اكون افدتج عزيزتي وان كنتي تريدين ارقام الفنادق من عيوني بكتبها لج ,,
لكن سؤالي للاخوات الي من السعوديه هل في ارقام سائقين يكونون ثقه لان بصراحه المسافات كبيرة ومحتاجه واحد ثقه, وشكرا لكم