مالقيت علاج لحالتي

السلام عليكم…اخباركن خواتي..
صراحه مالقيت علاج لحالتي..اعاني من مشكلة الحساسيه..
بس هالمشكله تكون في عيووني..حكة قويه في عيوني وفي راسي..خاصه على الجفون الخارجيه من عيوني…ماخلييت مستشفى وأدويه احطها في عيوني..والحين وصفولي حبه اخذها كل يوم مساء..
حد قالي الجو..حد قالي من اكل…بس انا الحساسيه في عيوني!!!!!ومحد عرف شو الحل!!
حكه موطبيعيه…عيوني يصيرن شرات الدم..
ولي لاحظته أني يوم اغسل ويهي او اتوضأ يحرقني الجفون فلازم على طول امسح الماي عنهن!!!
حد عنده فكره…او وين اروح اتعالج!!عيوني بدن يختربن من كثر الحكه…

انتي من ابوظبي اختي اذا هيه سيري مستشفى النور اللي شارع خليفه عند الدكتور حساان دكتووور عيوون بس واايد ممتااز

مشكوره اختي…
لو اني تعالجت في النور..بس بعد ماشي

لا الغاليه انسي النور نهائياً
هاييل يتاجرون ف الاوادم
امسات اربيعة امايه مسويه عمليه عندهم كلها غلط ف غلط والله العظيم واحينه هي تتعالج ف الهند والسبه هم الله يسامحهم

انا اقولج وعن تجربه سيري المغربي التخصصي روعه وعلاجهم سريع والله
اختيه ياها رمد صديدي وكانت عيونها تصب دم والله متنا من الزيغه عليها
كنا نقول خلاص بتنعمي والله
ومن ثاني استعمال تقريباً للعلاج اللي خذته منهم بدت عينها تتبطل وترد طبيعيه
وماشاء الله احينه عيونها ردت شرات ماهي
سيري وجوفي روحج وربي يشفيج الغاليه

اختي جربي عسل طبيعي قطري منه فعيونج كل ليلة وغمضي عيونج لمدة خمس دقايق وخلي الدموع تنزل يغسل العين ويقوي البصر ويعالج كل ما يضرها عن تجربة هو فالاول يحرق بس عقيب من تنظف عيونج بتحسين براحة غير

بارك الله فيكم…ويعطيكن العافيه..

اقري في ماي زمزم وقطري عيونج واغسليهن

والله يشفيج