مستغربه كيف الدكتوره جنس الجنين؟؟

مساء الخير
انا فرحانه كثير قالتلي الدكتوره اني حامل بنوته
لكن مستغربه
وضعية الجنين كانت على جنب يعني شفنا ظهر الجنين(ما عطينا وجه)
وزوجي يقول للدكتوره اكيد ما راح يبان
تفاجنا تقول بنوته
طيب كيف عرفت ؟؟ممكن يكون ولد والبروز متخبي من الناحيه الثانيه
مع العلم اني في نهاية الشهر السادس في الاسبوع 26
يعني اروح اجهز ملابس ورديه ولا انتظر شوي ممكن احتمال الخطا
من عندها خبره

مبروك الله يسهل عليج وعلينا
اذا حابه تتأكدين
روحي عند دكتورة غيرها^^
بالتوفيق والله يعطيكم اللي في بالكم

سيري لدكتوره ثانيه وسوي التصوير الملون عسب يبين لج

الله يسهل عليج ان شالله ولادتج ويحفظ لج البيبي

المشكله ما اريد اروح دكتوره ثانيه
زوجي ما يرضى يقول هذه دكتوره ممتازه وخلاص>>مسكين تعقد
مشكورين على الردود الحلوه

ولله اذا انتي مشككه روحي سوي تصوير عند دكتورة ثانيه

انا من الثاثل قالتلي ولد
و كنت مشككه و رجعت بعد اسبوعين و اكدتلي انه ولد

لانه ف خاطري اجهز من الحين شوي شوي على دوبي

حبيبتي أنا بقولج شو صار عندي رحت للدكتورة في الاسبوع 15 قالت لي الدكتورة 100% ولد بعدها باسبوع كان عندي موعد بعد معاها عشان كان ينزل مني شوية ماي فقالت لي بتسوي لي سونار مرة ثانية وقالت لي بنت ساعتها عورني راسي رحت عيادة ثانية قالت لي الدكتورة على طول ولد وما كملت خمس دقايق إلا هي تقولي بنت والله قعدت أضحك الحين أنا في الاسبوع 19 رحت بعد عيادة ثالثة قالت لي الدكتورة 100 % بنت قلت ما بحط في بالي لين ما أوصل السابع بسوي تصوير ملون وإن شاءالله خير

الله يساعدك صدق عوار راس
بس انا كنت مستغربه من وضيعة جنيني الي سبق ذكرتها