مشاركتي بمسابقة نستله للحلويات

السلام عليكم
كيف الحال ؟؟
اليوم حبيت شارككم مشاركتي بمسابقة نستله للحلويات

من شهر تقريبا عملت اشتراك بالمسابقة .. ومن اسبوع اتصلوا وخبروني انو طلع اسمي بالسحب ولازم اروح مركز الواحة – بالنس كافيه .. يوم السبت

طبعا ما بعرف شي .. مابعرف شو لازم اعمل

رحت وبديت المسابقة … كنا 6 مشتركات .. كل حدا بيحقله 5 ضيوف .. وفي شيف نستله وشيف ايفا الريحاني و في خبيرة تغذية … لكل بنت طاولة فيها ميكسر وفرن وكل أدوات المطبخ من صحون و ملاعق وطناجر .. ولكل متسابقة سلة فيها اسم وصفة ومكوناتها ولازم تكون بتعرفها وتعملها بطريقتها .. ومعنا سااااااعة وحدة

أنا وصفتي كانت مفروكة وكانو حاطين بالسلة سميد وحليب نستله المكثف

xxx

عملتها وحطيتها بالتلاجة وزاد معي وقت .. عملت موس شوكولا

وهي اكلاتي

كانت تجربة حلوة كتير وهي الشهادة والهدايا