مشاكلي بعد الولادة ياليت تساعدوني

شحوالكم بنات ياليت تساعدوني انا كملت 24 يوم من الولادة وللحين اعاني من الخياطة والخيوط ما طاحت سرت قبل اسبوع لدكتورة خاصة وقالتلي شادين الخياطة وايد وشلت بعض العقد وعطتني مطهر استخدمه بس احسها تالمني احياناواحس فيه خياطة داخل احسني اهملت نفسي وبطنني شنه بالون منفش المشكلة بنات انه بنتي الله يحفظها كله تصارخ ما أعرف ليش ولا تنام بالليل والنهار شوي وانا اكون مدوخة ولا اقدر اهتم بنفسي وللحين ما اتعودت علا المرضعة وباقيلي شهر وبداوم عنها تعبت نفسيا وجسديا احس جسمي متحطم ومتلخبطة ومب قادرة اهتم بنفسي بنات اللي عندها حلول لمشاكلي لا تبخل علي ربي يسر عليكم

الحمدلله على السلامه
شوفي لازم تتغسلين بالمطهر الي عطتج اياه الدكتوره

كل مادخلين الحمام …ولازم تتودنين بالماي وملح لو عشر دقايق

ولازم تضربين المنطقه الحساسه بالششوار عشان تلتحم المنطقه بسرعه وتنشف

وبخصوص بطنج لازم تربطين بطن او تشدينه بالمشد بس فالليل وقت الرقاد تبطلينه

وعشان بنت اول شيء سااويلهاا مساج بزيت الزيتون ولفيهاا زين عشان الغازات تتطلع

وعطيهاا مااي وسكر نبات بتلقينه عن العطارين او عطيهاا ماي غريب واايد يريح الياهل

وحااولي بين فتره وفتر نيميهااا على بطنهاا ودقدقيهاا على ظهرهاا

لاتسين اشربي شمر (مثيبه) وايد تشد الجسم او اغلي قشر قهوة وشربيه

لاتهملين نفسج عليج بشد البطن والبنت كل ماادفيتهاا كل ماانامت زين

مشكورة اختي شقا الدنيا بس هي ما تخليني انام كله اتصيح احاول ادفيها بحاول اسويلها زيت زيتون بس بالليل وبس بطنها ولا جسمها كامل وبطني اربطه بس مب دايما وبخصوص المنطقة بحاول أداوم علا المطهر بس الالم يزيد من كثر اليلسة مع البيبي خصوصا بالليل تعبت وين الباجيييييييين يعطوني خبرتهم

حمدلله على سلامتج..

نفس ما قلت الأخت شقاادنيا ما قصرت..

اذا ما ترومين تلفين بطنج دايما اشفطيه على داخل وخاصه وانتي ترضعين
شفطي 10 دقايق وارخي كرري هالعمليه كذا مرة باليوم..

وبنتوتج الله يحفظها دهني بطنها بزيت الزيتزن بس موب كل يوم لانه يلين العضام..

حطيلها وقت المغرب ولفيها عدل عشام ماتقعد كل شوي مطلعه ايدها..

خذي من الصيدليه غسول اسمه بيتادين سليوشن وايد حلو ينفع للجراحه

وبعد استخدمي الماي والملح ..

موفقه حبيبتي..

هـلا حبوبه

أولا أختي لازم تكون عندج عنايه بالمنطقة عشان ماتتحسسين منها

يعني عليج بالمظهر وماي ملح وتنشفين المنطقه زين بالفوطه وتحطين عليه مرهم للجرح مره ف اليوم

وبنوتج الحلوه حطي لها زيت زيتون دافئ بالليل قبل لا ترقد وقمطيها زين وحطيها على بطنها وقت الصبح

وعطيها نعناع مع ماي أو يانسون مريح لبطن
وموفقه حبوبه

:

مــاطمنتينا شو صار معاج ؟!!
اهم شي " القماط " للبيبي ، لانه البيبي يتحرك والحركه تزعجه فـ يصيح قمطيهاا زيييييين وثبتي يديها عدالها ويكونن مستقيمـات
ثاني شي من الحليب يكون بطنه متروس " غازات " وتالمه عشان جي تصيح ، يوم تدهنين بطنها بالزيت الزيتون واتسويلها مساج خفيف اتم اطلع الغازات وترتـــاح . .
ويوم تجلبينها على بطنها نفس الشي يكون سهـل خروج الغازات وترتـــاح . .

ولا تنسين تحصنينها وتقرين عليها صبح ومسا وقبل النــووم . .
حطيها في حظنج وظميها وهزيها بخفيييييييييييف وبتنام ان شاء الله . .

خلج متساهله معاهـــا وكل يوم بتتعلمين شي يديد
والله ايّسرلج ان شاء الله امووورج

مشكورين خواتي وما قصرتوا بالنسبة للقماط اتم اتصارخ ولا تباه تبغي اطلع ايدها ونومها شوي تحسن بس بعد احسها ما تشرب حليب يكفيهاولا تتجشأ بعد كل رضعة وترجع بعدماا أقدر عليها المشكلةانه الجرح مأذني اليوم كملت 30 يوم وبعده في خيط واحس بجرح داخل المهبل ما اعرف شو وبطني احاول اربطه بس بحزام ما عرفت الشيلة كيف تلفونها وهل تنفع الحين وبعده ينزل دم بس شوي هل عادي واحيانا احس بالم فالجزء السفلي ابغي انقص وزني اللي زادبعدالحمل بس نقص 5 كيلو وباجي 10 وابغي اهتم بعمري ريلي بغيب حوالي 5 اسابيع وابغي افاجاه مع انه نفسيتي سيأة هل ينفع رجيم وعادي استخدم جهازالاوربتراك وخبروني عن خلطات ولا اي شي اسفة طولت عليكم بس ابغي مساعدتكم ومشكوريييييييييييين خواتي اللي ردوا علي