معقوله كل البنات ناويات يشتغلن بعد الثانويه .؟؟؟

هلا بنات وحريم المنتدى…

السالفه وما فيها ان عندي اخو ويبغيني ادور له على عروس من الحين وحتى آخرر السنة الدراسية هذي يعني يبغي يخطب على نهاية السنة بس المشكله اني كل ما سالت وحده من معارفي قالت لي البنت تبغي تتخرج وتدرس في الكلية وتشتغل…..وفي وحده عجبتني ولما سألتها ليش تشتغلين دام انه ما راح يقصر عليج بشي؟؟ردت علي وهي تضحك :أبغي أطلع موتر كشخة وأظهر من البيت بدون تحقيق وأتخقق جدام ربيعاتي …" شفتوا عاد التفكير السطحي..يعني ما فكرت بالستر فكرت بالفلوس والموتر….والتكشخ والحرية…..

تصدقون اخوي يبغي بنت 18 بحكم ان عمره ما تعدى ال 21 للحين بس انا افتر راسي وانا أسأل عن وحده تكون في هذا العمر وتتخرج من الثانوية وتقعد في البيت…..

شغله ثانيه قاهرتني بزيادة اني كل ما شفت له وحده بهذا العمر تكون هيكل عظمي تعرفون معنى انها تكون ضعيفه ضعيفه …مادري شو سالفة موضة الريجيم اللي هابات عليها بنات ها اليومين::

انا الصراحه تعبت من كثر ما أسأل ربيعاتي وكلهم نفس الكلام..
لا تفهموني غلط أنا ما أبغي افتح هذا الموضوع عشان أقلبه منتدى للخطبة وغيره بس مادري شو صار فيني وخلاني أكتب هذي السالفه…فيني قهر

مشكورات على مروركن الحلو

وتقبلوا تحياتي الحلوة

الله ييسر اموره ان شاء الله

الصراحة صعب الوحدة تتخرج وتيلس في البيت على طول كل البنات الحين يبون يكملون دراسة و بتشجيع من الاهل.. دوري لة وحدة اهلها يكونون ستريكت وصارمين من هالناحية

الغالية ترى هالشي يعتمد ع الاهل بعد

يعني كل جبيله و لها قوانينها

شي ناس يجبرون عيالهم انهم يكملون

و شي لا و شي عادي حسب ما البنت تبى

—

و الشهادة هالأيام سلاح للبنت
( بس طبعا مب بتفكير البنات اللي كتبتيه )

والله الغالية ما أظن اتحصلين وحده بالعمر الي أخوج طالبه وما تفكر انها تمتلك سياره وتتكشخ وتداوم والله شكلها مفاهيم الستر اتغيرت الله يهدي بناتنا . كلمي اخوج وقوليله لازم البنيه الي عندها مثل ها الاحلام وتكون بنت عرب يسمح لها بالدراسه بعد الزواج وانها تداوم لو يقبل بها الشئ . ولو هو ما يبا ما أظن ان بنات ها اليومين بتوافق لما يقولون لها بتتزوجين وبتقعدين في البيت. الله يسخر له بنت الحلال

I agree wthe you