اللي متزوجة او عندها خبرة او عندها خواتها او اربيعاتها وساعدتهن بالزهبه تفيدنا من فضلكن…
اخت اربيعتي بتعرس ومحد معرس من قبل في بيتهم
هي تبا تبدا بالمكياج والعطور لانه موضتهن ما تروح
بس شو تشتري حااااااااااااطة ميزانيه 4000درهم بالكثير وهي من النوع اللي تتمكيج من قبل لا تنخطب يعني اتعرف اتحط يبالها عدة محترمة يعني الاساسيات عالاقل بس كل ما تحسب يطلع اللي تبا تشتري باكثر عن 4000
خبرونا شو كانت مكياج زهبكن او زهب خواتكن او اربيعاتكن
لأنه الميكب بسرعه يخترب ولو تطيح عنج العلبة وتنكسر يروح عليج المكياج
تشتري شي بسيط لانها اكييدد بتشتري عقب العرس
الميكب سنه او ب الكثير سنه ونص وخلااص !
خلها تاخذلها اشيا بسطيه بس ..
مثل نوعين او 3 انواع فاونديشن .. واحد للسهرات و 2 للاستعمال الدايم ..
ونوعين بودره
وكم لون قلووس ورووج وبلش .. ومسكرتين
وفرشاة الاساس ..
انا عن نفسي شاريه واايد فرش ..
بس والله الآي شدو مايضبط عندي الا اذا حطيته بصبوووعي والكل يتخبل عليه ! خخ
خلها تقتصد
اساسين و بودرتين مضغوطات وبودرة حرة وكونسيلرين و اثنينة برايمر
وفراشي
وكحل الوان واسود واي لاينر وشدوووووووووهات تبا تاخذ ماركة
من غير المثبت والارواج والمحددات والغلوسات هي كل ما تحسب يطلع اكثر عن 4000
لانة ما تبا تشتري اشياء عاديه كله ماركااااات فور ايفر و شيسيدو وديور وغيرلان
المشاركة الأصلية كتبت بواسطة فرفوشة 2024 
اساسين و بودرتين مضغوطات وبودرة حرة وكونسيلرين و اثنينة برايمر
وفراشي
وكحل الوان واسود واي لاينر وشدوووووووووهات تبا تاخذ ماركة
من غير المثبت والارواج والمحددات والغلوسات هي كل ما تحسب يطلع اكثر عن 4000
لانة ما تبا تشتري اشياء عاديه كله ماركااااات فور ايفر و شيسيدو وديور وغيرلان
اونه تبا اتدلع عمرها عروووووووس خخخخخخخخخخ