هذا الفستان أول ماتشوفين الرسمه تقولين شو هذا؟؟؟هذا فستان ملجه بنت خالتي من تصميمي وأبتكاري:22 (5):
قصه الفستان.طلبت مني بنت خالتي تصميم فستان بس يكون خياااااااااااالي وفيه فكره غريبه قلتلها اوكي بس على شرط أنا بصمملج الفستان والباقه والقاعه وبنسق كل شي طبعا هي ماصدقت وقالت يزاج الله ألف خيرفكيتيني:1 (35):
قلتلها لوخيروج تسوين الملجه عالبحر ولافحديقه شوتختارين؟قالت البحر وبديت ارسم الفستان
عطيتها الرسمه قالت احس مافيه شي :1 (25): شرحت الفستان طااااااااارت من الوناسه
طبعا بدينا نجمع القطع والاكسسوارات
القطع شرينا الوان البحر يعني تدرجات الازرق
الاكسسوارات شرينا اللولو الابيض بكل الاحجام..فصوص شواروفسكي(أزرق وأبيض وذهبي وأخضركل الاحجام)..الكريستال المربع خذينا اللون الابيض
الحين يا دور المحار للاسف ماحصلنابس حصلنا فلبنان حزامات كلها محاروبأشكال مختلفه كان روووعه ماخلينا حزام الا وشريناه…
ودينا القطع عند رسام ورد وصبغهم بألوان البحر من الغامج للفاااتح ونثر عليهم اللماع الازرق الغاااامج على شكل خطوط مموجه كانت روووعه…بقت أخر خطوه وهي التفصيل
الكسرات اللي فالنص كانت كل وحده بلون وكانت الالوان قريبه من بعض يعني كأنج تشوفين بحر متموج
الاشياء المنثوره تحت كان المحار والفصوص والولو والمصمم زاد عليهم خرز يشبه رمل البحر وكان بعد لماع ازرق غامج ممتد عالاطراف والقطعه اللي تحت كانت لون غامج واللي فوق أفتح….وبعد التوب كان منثور عليه شرات اللي فالتنوره والمحار كان فال المعين اللي تحت الصدر….خلص الفستان وكان تحفففففففففه فنيه كل ماحد شاف أنبهر وعلى فكره فنفس يوم الملجه أنحجز وأنباع….والميك أب كان ازرق ياي لونه على تركواز وذهبي على أخضر وكانت مماشالله عليها قمرر…
ينا للقاعه..القاعه كانت أزرق فأزرق كأنج داشه بحر وحطينا على كل طاوله حوض فيه سمج واغلب الاكل كان سي فود وحتى التوزيعات مستوحاه من البحر…الكوشه كان عليها مثل الشبك والصدف
ويوم دشت العروس دشت على شعر ريلها كاتبه وهو كان يقوله والشعر حتى مستوحى من البحر:22 (22):كان يشبها انها دانه وكانت فيه موسيقى خفيفه صوت البحر يعني أمواج……..كل أحد حضر الملجه أنبهر
الحين كل وحده تفكر وتبتكر شي مميز وتاخذ بعض الافكار……………
وهذا فستاني وفستان أختي اللي لبسناه فالملجه…….
بس عيبني الفستان الوسطي اكثر
موفجة يااااارب
عاد شوقتيني للفستان نبغي نشوفة حاولي انج اتزلينه………
وربي يوفقج الغالية……….
تحياتي المخملية
والله يوفقج
