وبيع الضمير تشوف كلن يجيلـك
هذا هو المنظور في وقتنا الصعب
أما تزيـل الصـدق والا يزيلـك
الصدق ماله لازم بعالـم الكـذب
حتى الطفـل كـذاب يالله دخيلـك
كذا أنكتب نعيش حاله من الرعب
مابين شك وخوف صبحك وليلـك
نمشي مع التيار من وين ماهـب
وأترك عّنك من قال قلبـك دليلـك
أن عشت في نيه تحارب وتنسـب
ولاعاد تلقـى بـالاوادم خليلـك
ياللعجب ويش العجب ؟ لا تعّجب
لو ماتجامـل صاحبـك مايجيلـك
تدري من المحبوب من يتقن اللعب
لاغبت عّنه فيـه عشـرة بديلـك
خطة صداقه تشبه لخطة الحـرب
أن ماكسبت المعركة وش حصيلك
قصيده شفت فيها من الواقع الشئ الكثير قلت انقلها………..لكن اظل واقول الدنيا بعدها بخير مهما عبروا بالقوافي
هذا هو واقع الحياة
المشاركة الأصلية كتبت بواسطة سـد اللـيل ـيم تسلمين على هالقصيده اللي صدق معبره عن واقع الحياه فى هالايام
وانا بعد مثلج اقول بعدها الدنيا بخير لان الخير واهل الخير بعدهم موجودين
ولكن كما قلتِ لازال الكثير من الناس ذوي المعادن الأصيلة
تحياتي ودعواتي الصاقة لكِ
أن ماكسبت المعركة وش حصيلك
شرات ما في الشين في هالدنيا .. في الزين بعد 
..
تسلمييييييييييييييين اختي ع القصيده الرهيييييييييبه ..
بصراحه وايد عيبتني ..
السموحه ^_^