نداء: خبيرات تايلاند – سفرة مع الاطفال

مرحبا … ان شاء الله اذا ربنا سهل بنسافر 8ايام انا وريلي وعيالي الثلاثة(4 سنين-2سنة-1سنة) والخدامة
قررنا نروح بانكوك وبوكيت … شو اشل معايه زيادة ؟
البامبرز موجود هناك ؟ وحليب بدياشور موجود ؟ شو السوبرماركت اللي فيه كل شي؟
واذا ابى اروح جزيرة جيمس بوند – الطراد امان؟
وشو الاكتفيتي اللي ممكن يستمتعون فيها الاطفال؟

حبيبتي السوبر ماركات الي فيها كل شي اسمها سفن الفن وتحصلينها فكل مكاان

والبامبرز احس لازم بتلاقين بس الحليب ما تضمنين نفس الي تستخدمينه للبيبي ولا

اما بالنسبة للاماكن السياحيه احلى مكان ف بوكيت اسمه فنتاسي عباره عن مكان فيه العاب شوي ومسرح فيه عروووض روعه
وبانكووك فيهااا اماكن واايد حلوه فيه حديقه الحيوان وبعد حديقته رووووعه اسمها دريم وورلد

وتروحين وترجعين بالسلاامه يا رب

والله ما سرت تايلاند بس قلت بدعيلج بالتوفيق وسفره سعيده وتروحون وتردون بالسلامه إن شاء الله

فجزيره جيمس بوند واايد يستخدمون ركوب الزوارق المطاطيه ما ادري عيالج بخافون ولا لا احس الجزيره تنفع اكثر حق كبار لان المسافه شوي متعبه

الله يوفقج فسفرج ان شا الله

عيالج وايد صغار و بتتلعوزين وياهم خاصه اذا دخلتو البحر صدقيني ما بتشوفين شي غير عيالج و انتج تخافين عليهم عن يتحركون خطر وايد

يعني تكونون ع الشاطي اسلم لكم

الحليب نصيحه شلي اكبر علبه قبل السفر لانه ما بتحصلين هناك

اكثر شي بيلعوزكم هناك العربانات لانه زحمه ><

انا بس بقول الله يعينج و رحله سعيده

مشكورات وماقصرتن … كل من فادني وكل من دعا بدعوة طيبة …
الله يوفقني في هالسفرة .. .

رحله سعيده ^_^