هذي معتقدات والا وش السالفه .؟! ارجوا الافاده باسرع وقت

السلام عليكم ورحمه الله ..

بنات البارحه كنت بيت هلي .. يلست مع اختي الكبيره اسالها .. انتي اول ما يبتي ( حمادي ) البكر .. متى بديتي تشترين ملابسه واغراضه واغراضج .؟!

انصدمت بردها ..

قالت مب زين اجهز اغراض البيبي بنفسي ( البكر قصدها ) .. لازم حد من اهلج او اهل ريلج يجهزون لانج لو جهزتي يعتبر فااااال شررر .؟! >>>>>> انا مليون علامه استفهام على ويهي على هالجمله ..

قلتلها كيف يعني وليش مع اني ناويه انا وريلي نبدي من هالشهر نشتري اغراضه .؟!

قالت مب زين .. عقولت الاوليييييييين >> فال شر .؟!

اهيه خلت اهل ريلها يشترون كل شي.؟!

عسب جي انا ابي اتاكد منكم بنات صج هالكلام والا هذي معتقدات عند ناس معينه بس ..

وابتدي اشتري اغراض البيبي والا اخلي هلي يشترون ..؟!

ابي اجابه شافيه .. لانه من البارحه وانا على ويهي علامه استفهام بخصوص هالموضوع ..

ارجووووووكم ردوآآآ

شو هالخرابيط!!!!!
لا الغاليه عادي هذا اول بيبي لي وجهزت وخلصت بعد!!!
وهب انا بس كل البنات جهزو روحهم للبيبي

حبيبتي هاي معتقدات العيايز بس عادي ما يستوي شي ان شلء الله انا بجري روحي شريت له واحلى فترة كانت يوم شرينا له عاد توكلي على الله ولا تحاتين

اول مره اسمع بها الشي…
كلنا نحمل و نشتري ثياب عيالنا بروحنا

الشائعات والمعتقدات ببلادنا وااايد وخاصه عند الحريم الكبار ..بس غريبه اختج تصدق مثل هالشائعات مع تطور العلم ..عزيزتي ما شاء الله عمري ما خليت حد يشتري اغراض عيالي غيري ..اصلا هذا ذوقج انتي واذا حد حب يساعدج فبعد زين بس انه فال شر ماااايخصه …من عشنا واحنا نشتري اغراض عيالنا قبل لا ينولدون بنفسنا والحمدلله ما صار فال شر ولا شيء ..سيري يالغاليه واتشري للبيبي وخاصه ان أغلب المحلات مسويين تنزيلات وخشيها عندج في شنطه او بكبت البيبي.

هههههههههههههه اول مراا اعرف محد احق انه يجهز البيبي غير امة

اختي هاي تفاهات و الشر و الخير من عند رب العالمين