هل مشكلتي لها حل ؟ شخصيتي :(

السلام عليكم ورحمة

اسمحولي وايد لعوزتكم بمشاكلي اللي ما تخلص ..اول ما داومت المشاكل كلها طايحة فوق راسي….

مشكلتي بالمختصر المفيد اني وايد خجولة …وايد وايد بشكل ما تتصورونه .!!!

نحن الحينة بالتدريب // وفي التدريب عندنا مجموعة من الشباب والبنات ..

ويتطللب منا المشاركة ..يعني شرات الكلاسات …

المشكلة اني اشارك بس صوتي مب عالي
عندي اسئلة حق المحاضر بس اتم ساكتة اخاف افتشل
وفي النقاشات اهدأ مني ما شي خليجية
وفوق ها كله هادية ومووووول ما اتكلم في الكلاس …انا والكرسي واحد…ويسموني انطوائية ومزاجية …

بالمتخصر استويت خجولة وااااااااااايد ..قبل كان عندي سوالف ويا البنات ..بس الحينه حتى ويوم امشي ويا اي وحدة اتم هادية وساكتة ..ما عرف كيف افتح السوالف .!!!

والشباب يوم يقعدون ويتناقشون بموضوع معين اتم هادية ولا جنه عندي رايي …مثل ما يقولون صم بكم عمي ..

يتحسبوني مغرورة وما اكلم حد ..بس في الاصل انا هادية وما يخصني ..

وصار وجودي وعدمي واحد …انا ابا اغير شخصيتي بس كيييييييييييييف …كيييييييييييييييف
خليجية

ابا يكون لي وجود وأثر في الكلاس…

كيف افتح المواضيع ويا البنات …وكيف اتناقش وارد واخذ واعطي عسب يعرفون ان عندي شخصية مستقلة

وشي ثاني احس عندي شخصيتين ..يعني مثلا لو كنت ويا البنات مرات اسولف واضحك..وفجآة اذا مر واحد اتم ساكتة ومبوزة ومادة البوز شبرين …ها لاني استحي خليجية

ارجوكم حلوا مشكلتي خليجية

عندج مشكلة ويآ الـBOYZ

حبوبتي أنآ مآ أقولج إنفتحي لدرجة ربج مآيرضآبهآ لكن إنفتحي لدرجة تسمح لج إنج تآخذين وتعطين بحقج.."

عليج حق ع الشغل والزملآء..ولآزم تعطينهم.."

فكري معآية لو تميتي جذه صدقيني بيأثر عليج عقب لنه عآأدي فيوم يقول المدير ظهرولية اللي مآعنده حركة فآلكلآس.."

وتخييلي يختآرونج..><" مآفآول عليج بس محد يعرف شو بيستوي جدآم.."

هذآ الخجل مش طبيعي.."

أبآ أعرف شقآيل تتصرفين ونتي فآلسوق..؟!؟

حآولي دآيمن ع الأقل تبدين تردين ع أسألتهم وشوي شوي إختلطي معآهم وحآوريهم.."

وعطيهم أفكآرج..!

أحس عندج إمكآنيآت وأشيآ حلوة للتيم مآلج ولآ تضيعين عمرج.."

وربية يوفقج فكل خطوة

مشكورة نون على المرور
فعلا عندي مشكلة مع البويز لاني مول مب متعودرة عليهم
بتبع نصايحج وشكرا على المرور

up
up
up
up

كانت عندي ربيعه حبيبه على قلبي ايام الكلية.. هالبنت لو يمر حذالها استاذ تخاف وترتبك حتى لو ما رمسها..
وفي الكلاس هادية ونادر تناقش بشي..
من اسبوعين تقريبا سرت ازورها في دوامها وانصعقت من التغيير الرااااائع في شخصيتها.. كانت ترمس بثقة مع اي موظف.. حتى قلت لها ماصدق انج انتي فلانه! ضحكت وقالت لي: تدرين كم خذ مني لين استويت جي؟؟ قلت :كم؟
قالت: سنه .. سنه بالضبط..كنت في البدايه امووووت يوم المدير ايي يسأل عن شي.. او موظف اييب لي شغل.. كنت اخذ الاوراق واشتغل وانا ساكته رغم انه مب شغلي!! لين قررت اكسر هالحاجز.. واخلي صوتي مسموع بس باحترام.. )
الحين ماشاء الله عليها حتى المدير يوم بيرمسها يحسب حسابها.. ! عجبتني واااااااايد..
طولت عليج راعية الموضوع خليجية اسمحي لي

جوفي حبيبتي.. هذا التغيير لازم ايي من داخلج

أنا ما اقولج استوي فري.. بس كل شي بحدود و خاصه في بيئة العمل.. تتعاملين مع الشباب و البنات

و مع كل الجنسيات

انا ايام الثانوية.. كنت انسانه جدا خجووولة

عقب ما سرت الكلية بديت استوي جريئة و اللي صدق غيرني يوم كان عندي كورس برع البلاد و سافرت روحي

هالشي غيرني من خااااطر

يعني استويت وحدة ثانية تمااماااا..

انتي عودي عمرج على الكلام مع الناس

لا تقولين لا يكون بيقفطوني.. ليكون بغلط..

خلج عااادي

و ترا هم من صوبهم عادي.. يعني لا تحطين في بالج هذا شو بيقول و لا فلانة شو بتقول

و كوني واثقة من عمرج لانه هذا اهم شي عسب تنفتحين شوي و تودرين الخجل اللي فيج ^___^

اختي انتي تستحين لانج انتي في الصحيح…حاولي ماتاخذين كلاسات مختلطة لما فيها من اثار سلبية

الاختلاط من أعظم آثاره تلاشى الحياء الذى يعتبر سياجا لصيانة وعصمة
المرأة بوجه خاص , ويؤدى إلى انحرافات سلوكية تبيح تقليد الغير تحت شعار
الحضرية والتحرر , ولقد ثبت من خلال فحص كثير من الجرائم الخلقية أن
الاختلاط المباح هو المسئول الأول عنها ………
اختلاط النساء بالأجانب في : دور العلم ، والحوانيت والمكاتب ، والمستشفيات ، والحفلات ، ونحو ذلك ، فهذا في الحقيقة قد يظن السائل في بادئ الأمر أنه لا يؤدي إلى إفتتان كل واحد من النوعين بالآخر ، ولكشف حقيقة هذا القسم فإننا نجيب عنه من طريق : مجمل ، ومفصل .
أما المجمل : فهو أن الله تعالى جبل الرجال عن القوة والميل إلى النساء ، وجبل النساء على الميل إلى الرجال مع وجود ضعف بان ، فإذا حصل الاختلاط نشأ عن ذلك آثار تؤدي إلى حصول الغرض السيء ، لأن النفوس أمارة بالسوء ، والهوى يعمي ويصم ، والشيطان يأمر بالفحشاء والمنكر .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.