هل هي آمنه للإستخدام الآدمي؟ "نقاش مهم" شاركينا واذكري تجربتك الخاصة !

بسم الله الرحمن الرحيم

السلام عليكم ورحمة الله وبركاته

خواتي عضوات منتدى سيدات الإمارات

أدعوكم للتحاور والنقاش حول موضوع جداااا مهم وهو:

( استخدام الشبه لمنع التعرق )

بدلا من استخدام مزيلات العرق ،،

خواتي أعتقد موضوع استخدام الشبه جدا مهم ولازم نتناقش فيه مع بعضنا

أثناء قيامي بعمليات البحث باستخدام محرك البحث ( جوجل )

وجدت كثيرا من المواضيع التي تتحدث عن (( مضار )) استخدام الشبه

وكذلك " فوائد " استخدامها ,,

كثير ممن يحذرون من استخدامها

ويقولون أنها تسبب ( أورام حميده ) لا سمح الله !!

وتسبب انسداد المسام

ومنع افرازات التعرق وحبسها

ولا يخفى علينا مدى أهمية التعرق لجسم الإنسان ..

والصراحة يا خواتي ليست لي أدنى فكرة حول صحة هذه المعلومات ..

وهذا اقتباس من احدى المنتديات العربية

والبعض الآخر يشجع على استخدام (الشبه) باعتبارها مصدرا طبيعيا

وآمن للاستخدام ..

تجربتي الشخصية :

خواتي أنا استخدمت الشبه لفترة بسيطة
يمكن لأسبوع
وعجبني استخدامها في البدايه لانها صدددددق تمنع التعرق
واتم ريحتج حلووووة وتحسين بنظافه
عقب السبوح كنت آخذ شوي من بودرتها وأفرك المنطقة
لين ما تمتص البشرة كل البودرة وتذووب
وأحس اتم بشرتي جااافه ونظيييفه

بس بعد ما استخدمتها كم من يوم
صار لي تهيج فظيع في المنطقة
واحمراااااااااااااااار
وامتنعت عن استخدامها
ورديت استخدم مزيل التعرق لي كنت أستخدمه قبل
والحمد لله خف التهيج ..

هذا بالنسبة لتجربتي الخاصة مع الشبه ..

في نفس الوقت الوالدة الله يحفظها كانت تستخدمها
وعكسي أنا تماااما الحمد لله ما سبب لها تهيج ولا شيء ..

فأعتقد السبب اختلاف نوعية وحساسية البشرة من شخص لآخر ..

اللي أبغيه منكم خواتي
كل وحده تدخل تكتب لنا تجربتها شخصيا مع الشبه

من متى تستخدمها ؟
شو لاحظت ؟
شو التغييرات اللي لاحظتها ؟
هل فادها استخدام الشبه ؟
وهل هيه تنصح باستخدامها أو لا ؟
ومن وين تشتري الشبه ؟
وكيف تستعملها ؟
وشو هيه الأشياء اللي تضيفها مع الشبه ؟

بمشاركتكم خواتي بنقدر نسوي مرجع كبير وشامل عن الشبه

وبتعم الفائـــــــــــــــدة بيننا كلنااا ..

في انتظار تفاعلكم خواتي

آسفه خواتي ، أعتقد مكان الموضوع غير مناسب
وأفضل لو ينقل لقسم العنايه بالبشره ..

فديت مشرفاتنا ^^ يا ليت ينقلون الموضوع لمكانه المناسب لاني ما عرفت كيف أنقله ^^

وأكون شاكرة لكم ..

انا ماحب استخدم الشبه ,, اول شي اتسود .. كل البنات اللي اعرفهن ايام الجامعه كانن يستخدمن الشبه والمكان استوا أسوووووووود !! هن بروحن يشتكن .. وثاني شي اذا اتعودتي تستخدمينها مابتقدرين اتغييرنها بسرعه .. لاحظت اني يوم ودرتها وايد بديت اعرق مع انه قبل ماستخدم الشبه ماعرق الا اذا طلعت في عز الظهر ..

تسلميـــن اختيه على مشاركتج الطيبه ..

يعني انتي من اللي ما يشجعون استخدام الشبه ^^

وفي انتظار البقيـــــــــــــــــــــــــــة ..

انا اشوفها احسن عن الكريمات مثل ركسونا ونيفيا
لانها طبيعيه

ما استخدم ولا احبهاااا

انا كنت استخدمها بس ما احس اتسوي شيء ما منها فايده ..

وقت احطي منها اول شيء اتسود المكان والثاني اتكثر من الافرازات اتعرق المنطقه ..

ومره سمعت وحده اتقول انها لما حطت شبه طلع لها ثالول .. واتعاني منه لان طلع لها ببطاها وصعب انها اتحف هالمنطقه ..

بصراحه ما انصح فيها