واذا يعني تضايقنا ؟

واذا يعني تضايقنا..؟
بنغير شي.؟
وإذا مات الزهر في اجمل حدايقنا
بنغير شي.؟؟
واذا بهدومنا ضقنا.!
بنغير شي..؟
كثير نمر في بعض الأحيان بضيقة بال..
زعل صاحب
وحاجة مال
شتيمة شخص مايعرفك..؟
وعتب قارئ..!
ونزعل حيييل ونتضايق..؟
(.. واذا يعني تضايقنا..!)
واذا يعني تضايقنا..؟
هي الضيقة بتكون الحل..!
اذا كانت شموس الوقت تحرقنا
هي الضيقة بتكون الظل..!!
إذا غابو جميع الناس وتفارقنا
هي الضيقة بتكون الخِل.!!
(وإذا يعني تضايقنا..!؟)
واذا يعني تضايقنا..!
وكثير من التعب ذقنا
وسهرنا الليل..
بيجي صبح ويفرقنا
ونبكي.. سيل
لين الدمع يغرقنا
ولابه شخص في الدنيا بليا..هـم
أحد ضايق..!
سبب فاتورة الجوال
احد ضايق..!
عشر سنين متزوج وربك مارزقه عيال
احد ضايق..!
لأنه البيت به صج وزحام اطفال
احد ضايق..!
من السكر..!
واحد ضايق.!
لأنه مامعاه ريال

أحد ضايق
لأنه نايم مبكّر

أحد ضايق
لأنه حبها بـ خبال

هموم أكثر من اللازم تخنقنا
سؤال الحال..!!!!
(وإذا يعني تضايقنا.؟)
وإذا يعني تضايقنا..
من اللاشي
إلى اللاشي
على اللاشي
.. تخانقنا
وندخل في نوايا الناس..
أظن فلان يقصدني..!
أظن السيدة فلانة تسب الآنسة فلانة
عشان( العانسة فلانة)
(أظن ألناس هنآ بالحيل تكرهني..!)

أظن السيده فلانه تعالج من مرض نفسى

أظن فلان غبى ويشابه الكرسى

أظن فلان لها يكتب شعر حتى تغنى به

أظن البنت بنت شيوخ

أظن البنت لعّابه

أظن البنت كذابه

أظن البنت حطت (ورد) وسط(الرد) سبب من شان نتعرّف
وأتقرف
!!

ترانا ناس فينا كذب.
وغبي منهو يصدقنا..
( وإذا يعني تفارقنا..!)
وإذا يعني تضايقنا..
إذا راحوا
وخلونا
نسوا كل الكلام العذب
بكونا…
وعرفنا بـيوم بأن كل الحكايه ,,كذب!
ملونا
وإذا خيم علينا الليل
ما أشرقنا !!
وإذا ضقنا ..؟
وصار الحرف حبال في مشانقنا
بعد هذا.؟
(وإذا يعني تضايقنا..!)
وإذا يعني تضايقنا..
إذا هذا الزمن.. لبسك ثياب في يوم مو قدك

بتحط أيدك على خدك ..؟؟؟؟

وتبكي ’’حيل
إذا هذا البحر ضيق ولا يقدر يمدك
بتحط إيدك على خدك
وتبكي ’’حيل

إذا كل الجمر هذا عجز يصنع عطر ندّك
بتحط إيدك على خدك
وتبكى حيل

إذا خدك طبع حزنه على يدك
وعرفنا كل شي
(وإذا يعني تضايقنا…!)
إذا يعني تضايقنا..!
وطفينا دروب النور
وعتمنا
المدن والدور..
ويتمنا
شجر وزهور
,, وكتمنا
رقيق شعور
وشتمنا
علو السور..
عشان اشياء في الأتفه
من الأتفه من الأشياء..!
رجل خاين
"ماهي دوم الرجال تخون..!"
وماهو باين
وجود عيون

خيانة بنت
"ماهي كل البنات تخون..!"
لكن انت
ترفرف من تنادى لك" حبيبى…
العاشق
المجنون"


(وإذا يعني تضايقنا…!)
وإذا يعني تضايقنا..!
ومشوا عنا كثير.. اصحاب
وتفارقنا
وشققنا الورق للريح ..
بعض فرقا
تكون الحل قبل , نطيح
بعض فرقا
مثل جمره وحنا الشيح..
بعض فرقا
كثير أكرم من التجريح..
بعض فرقا
تجي جية دعا ’ تسبيح ’
وكثير أصحاب فارقنا… ونسيناهم
كأن كانت علاقتنا علاقت وقت..!
مصالح وأنتهت ..
يمكن
قراب و دم أو جيران
يمكن
تشابه هم..
يمكن
واللي يهم
ماضقنا…!
(وإذا يعني تضايقنا..!)
وإذا يعني تضايقنا..!

وطيرنا فراش النوم
ومسحنا كل الوانه..
وإذا سيطر على جوك حزن ..ووجوم
وبديت تفسر ..الأشياء على كيفك!!
زعلك لـ غيبة فلانه

وبنت كنت تعرفها قبل مده وتفارقتوا وجتك تقول:
ولهانه
وبنت كل ماتحاول تصارحها بـ أحبك حيل
تستأذن:
بروح آنام نعسانه
وبنت تعشق الدافى من الهرج
وتمرّك حيل بردانه

كثير اشياء غلط حولك!؟!
وجوه الناس
تعبانه..
قلق مدري طفش مدري تعب مدري قرف ؟
مدري ترف !!
مدري من الناس زهقانه
كثير أشياء …
تزهقنا
(وإذا يعني تضايقنا..!)

وإذا يعني تضايقنا..!
بيهمّ الناس
بيخلّي أحد ’’بــآرد’’
يفيض إحساس ؟؟
بتصنع هذي الضيقه علاقة حب مابين الحطب.. والفاس
وإذا يعني زعلنا بيوم
لإمر ما.!!
وطار نعاس
وإذا فينا خنقنا أنفاس ..
وحلّقنا
يتغيّر شي
( إذا يعني تضايقنا؟؟)

وإذا يعني تضايقنا!!
ماهو حتى المطر.. يهجر حديقتنا
وتنبت فينا ضيقتنا..
وتغرقنا سيول الملح
والدمعه صديقتنا
ولابه شخص فـ الدنيا تهمه ضحكتك ..غيرك
لذا إضحك
ولاترمي بذور الشر ..في خيرك
لذا إضحك
كثير اشياء من الأجمل تحاول دوم ..تسرقنا
لذا اضحك
* وقول بحب:
خليجية
(وإذا يعني تضايقنا!!)

وإذا يعني تضايقنا؟
بهدوء أكثر…!!
وإذا يعني تضايقتي
وجمعتي كل هـ العتمه..
ولا أشرقتي؟
وقلتي في قرف مزمن :
أحس الوقت
مو وقتي!!
وإحس اني تعبت أكثر من الأكثر من همومي
*وقولي لطيحتك:
قومي!!
*وقولي لكل هذي الأرض:
بآعلّي..
وإنطري غيومي!!
تعبتي كثير تلومي النفس
ويخنقك البكا ساعات!!!
ولا واحد ’’بحزنك ’’ حس..
بدفا العبرات!!
وإذا يلمح أحد تقصير كذا من غير مانقصد
هنا تنصب مشانقنا..


بعد هذا…..

(وإذا يعني.. تضايقنا؟؟)
وإذا يعني.. تضايقنا !!


بنغ ـير شي ؟؟

لـ عارف سرور

تحياتي : اللبوة البيضة خليجية

يآسلـآم عليييج وصحح لسآنج ويشرفني آول من يرد على موضوعج $:

تسلم انااملج خليجيةواذا يعني تضايقنا ..؟

خليجية المشاركة الأصلية كتبت بواسطة دلووعهـ خليجية
يآسلـآم عليييج وصحح لسآنج ويشرفني آول من يرد على موضوعج $:

ويشرفني أكثر أنج أول وحدة تردين على موضوعي
أسعدني تواجدج
خليجية

خليجية المشاركة الأصلية كتبت بواسطة miss ..dfsha خليجية
تسلم انااملج خليجيةواذا يعني تضايقنا ..؟

الله يسلمج حبيبتي
نورتي الموضوع ^^

صح لسانج فكل كلمه
مشكوره ع الطرح

رفع رفع رفع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.