انا عندي سؤال من القهر بسدح لكم
ليش كل شاب يوم يي ويخطب بنت الاوادم يقولون طيبه حتى لو سكير
والله شو رايك ففلان..؟ الصراحه ريال محترم وطيب .واهله ما شالله عليهم …,الخ بس شوي عصبي <<<هذا جذاب
بسبت هالكلمة انا حيااتي ادمرت من شهرين وانا عروس وحامل كرهت دنيتي باللي فيها كرهت شي اسمه عرس والله مايسوى عليي عمري ما اخطيت على حد (استغفر الله <<ليش جي نصيبي
مالي حظ لا فدارسه ولا فالعرس عاانيت وااايد وااجهت وااايد مشاكل فحياااتي وانا الحين عمري 21 سنه فيني قهر بس خااطري اهجر من المكان اللي انا في
عمري ما فكرت فطلاق بس اليوم غصبن عني حتى لو النطفه اللي الله انعم علي بس والله هالشي فصالحي بس القهر اصلا مااشي سبب الحبيب مب مرمسني من شهر وانا فبيت اهلي عشان خاطر امه لازم استسمح منها واقول جدام الخلق انا غلطااااانه واللله والشاهد الله تمين عندهم شهرين من دخلت بيت ماغلطت عليها من زود ماتحب ولدها تبا تفرق بينا السب واللعن والطرد يا من عندهم وانا كلمهوحده ماقلت عسب الكلام مايرد لهلي ويقولون والله انتي بعد غلطتي وريلي المصون على كل هذا بس يطالع بعينه مايقولهم شي ويشوفني انا اللي غلطت انا مستحيل استسمح منها تراني ماغلطت تراني مرتين يوم كنت عندهم نفس الشي استسمحت منها معني مب الغلطاان والكل شاهد والحين مابيرضين عسب زعلها حسبي الله عليها من ام دام هي خربت بيني وبينه
بس حبيت افضفض يمكن ما بتفهموني بس دعواتكم لي اذا خير اتم وياه ولا لا
انتي عشان ريلج اتاسفي منها بس مب شرط اتقولين انج غلطانه
بِسْمِ اللهِ الرَّحْمَنِ الرَّحِيم
رب اشرح لي صدري .. ويسر لي أمري .. واحلل عقدة من لساني .. يفقهوا قولي ..
لا حول ولا قوة إلأا بالله
غاليتي 
عشان البيبي ما عليه هدي أعصابج
ويمكن الحمل مأثر عليج أختي استهدي بالله ..
وإلا هي كلمـة أختي اعتذري منها تقديرا لعمرها وريلج
مب ضروري تقولين غلطتي
لكن اعتذار وكلمـة تهدي النفوس تكسبين بها أجر عظيم ان شاء الله
سويها لله مب لحد ثاني في هذا الشهر الكريم
واستعيذي من الشيطان الرجيم مخرب الزيجات
واستهدي بالله الغالية واستغفري
وبعد ما ترد الأمور لمجاريها اطلبي من ريلج بيت مستقل
والله يصلح امبينكم
شوفي حبيبتي انتي ستسمحي منها وحاولوا تطلعون ابيت ابروحكم يعني ترتاحين من ححشرتها
لانكم جيه صعب تتمون ويه بعض دام امه جيه
اليوم الامور بطيب وباجر بتظهر لكم بشي
انتي اعتبريها مثل امج شو ما سوت تراها بالاخر عيوز وكل العيايز جيه
وحاولي تفكرين بحل سليم
ما ادري شو سالفة امهاات
تبغوون عيالكم يعرسوون وعجب تجلبوون ع حريمكم
الله يفرج همج