يا ناس ملااااانه ليش العرب في السفر يسوون طاآآف ؟!

شحالكن بنات و صبايا و حريم ؟ ^_^

:

:

بخبركن عن ظاهره لاحظتها في السفر اكثر عن مره !!

شعنه العرب في السفر يسوون طاآآف لأهل بلادهم و كل وحده رافعه خشمها و متكبره تقولين هي ولا غيرها ؟!!

يعني نااآآدر ما تحصلين وحده تبتسم لج او تسلم او حتى ترد السلام .. عنبو السلام لله و ابتسامتك في وجه اخيك صدقه >_<

الحمدلله كلنا سافرنا و شايفين خير يعني مب شي عجيب ولا غريب عسب نتكبر و نتخقق تقولين بنخترع الذره !! ( مع انهم اخترعوها و خلصوا هع هع )

<< خويتكم دوم شاقه الحلج و مبتسمه و تسلم و تستااانس يوم تشوف بنات البلاد في الغربة لول .. بس الصراحه من كثر ما يقفطوني استويت اخاف ابتسم و اسلم و احس اني مسويه جريمه !!

و غير المعرسات اللي كل وحده تتطالعج بنظرات من فوق لين تحت تتحسب بتسرقين ريلها لو سلمتي و انتي خاطفه ! ..يالله بالستر كبرن عقولكن شوي >_<

انا طبعي اجتماعيه واآآيد و احب اسولف و اهذرب و اكون صداقات و اتعرف على بنات من كل مكان .. و الحمدلله الكل يحبني و يستانسون على سوالفي ^_^

بس الصراحه قمت اتردد و اقكر مليون مره قبل ما ابادر لاني اخاف يقفطوني و يحرجوني !!

نحن من يومين واصلين فندق يديد و ما شاء الله فيه وايد عرب من كل مكان .. و انا ملاآآآنه وايد لان خواتي كلهن صغار و ما عنديه حد اسولف وياه و الحين الساعه 4 و نص الفير عندنا و انا يالسه عند الدريشة و الجو برد و مطر لول

المووهيم نرجع لموضوعنا .. حليلي محد عطاني ويه في الفندق و معظمهن شايفات عمارهن و كل يوم انزل اتمشى بروحي في الحديقة ادوّر ربيعات ههههههههههه

والله الاولاد الصغار طيبين و احسن عن البنات و كل يوم اسولف وياهم و آخذ علومهم و الحين عندي وايد اصدقاء صغار مب خقاقين هههههههههه

يعني بإختصار زبدة كلامي على شو هالغرور و التكبر ؟! ترى الدنيا ما تسوى و مب ماخذين منها شي غير العمل الصالح و ( السمــــــــعه الطيبه ) … و من تواضع لله رفعه =)

:

:

و همسه لبعض الفئات من البنات في المارين : ترى العين تهوى المغطّاي و تعاف الشي لي دوم مكشوف ^_*

استرن على عماركن الله يستر عليكن و يهديكن و صدقوني مب حلوه الحركات اللي تسونها لانكن تخلن عماركن مصخره عند اللي يسوى و ما يسوى !!

تظنين شكلج وايد حلو و انتي واقفه بعباتج المخصره اللي مدخلتنها بفازلين و ثلاث ارباع شعرج برع و مليون لون في ويهج و تتضحكين و تتحايسين و الشباب واقفين طابور بعقون عليج رمسه و يرقمونج ؟! هل لانج ملكة جمال مثلاً و ما يقدرون يقاومون جمالج الفتّان ؟!

لا والله السالفة مب سالفة جمال ولا كشخه ولا أناقه .. بس الحشــــــــيمة يحشمونها و الرخيصه يرخصونها زود

اسمحولي على صراحتي و جرأتي بس هذا غيض من فيض و الصراحه شي مخجل و ما يشرف البلاد و يعطون الناس انطباع سلبي و فكره مب حلوه عن بنات و شباب و البلاد !!

و ترى الرمسه مب بس للبنات ، حتى الشباب عنبو ما تستحون ولا تخيلون ولا تحشمون ؟! ما عنكم خوات ؟ شو هالسخافه و التفاهه و التفكير السطحي ؟ .. الله يهديكم =)

لا تنسون ان الله يراقبنا في كل مكان و ربنا واحد في البلاد ولا برع البلاد .. و الخوف مب من رمسة الناس ! الخوف من الله سبحانه و تعالى

اختي الغالية خلي شعارج في كل مكان و زمان ( بإحتــــــــــشامي أفرض احترامي ) .. و تراني ما كتبت هالكلام الا لاني احبكن و اخاف عليكن و تهمني مصلحتكن

و السموحة على القصور ^_^