يوم تتعدلين وتشوفين عمرج في المنظره شو احساسج؟

.
.
.
.
.
السلام عليكم ورحمة الله وبركاته

انا في شي قاهرني في حياتي تدرون شو؟ انا طبعا عازبه بعدني عمري 27 …. مرات يوم اقعد في الغرفه واتعدل واحط ميك اب واتلبس احس بضيق وحزن؟ اقول في خاطري ليش محد يشوفني؟ منو اللي بيشوفني وانا متعدله وطالعه حلوه جي حراااام اتم مدفونه في بيت اهلي ومحد يشوفني ….. وانا قاعده اكبر واكبر والسنين تمر شبابي وجمالي بيروح وبشرتي بتخشن …. مقهووره …. في حد يحس بمثل احساسي هذا من البنات العازبات

و عليكم السلام و رحمة الله و بركاته
اممم انا اصغر عنج صح بس يمكن افيدج
اول شي انتي لا تحطين هالفكرة في بالج يعني يوم بتتعدلين تعدلي حق عمرج و يوم تشوفين عمرج حلوة و محد يشوفج حطي في بالج ان كفاية الله يشوفني " ان الله جميل يحب الجمال"

ثاني شي انج تتعدلين و تيلسين روحج ف الحجرة احسن من بنات هاليومين يتعدلن و الدنيا كلها تشوفهن بذمتج هاذي باجر يوم بتعرس كيف بتكون ويا ريلها؟
انتي ان شاء الله يوم بييج نصيبج و بيشوفج ريلج بتكونين مستانسة و ريلج مستانس تعرفين ليش؟؟ لأن محد شافج جيه غير ريلج

ثالث شي انتي اصبري و صدقيني الله بيعطيج اللي تبينه و بيرزقج بولد الحلال اللي يسعدج و يهنيج و اكثري من قراءة سورة البقرة والاستغفار و الدعاء و دايما كوني واثقة ان الله بيستجيب دعائج

و اسمحيلي

يالله عدال خخخخخ
اسولف وياج
شلج بالزواج ياخي
هم ع غم ع مسؤوليه ع عوار راس ..
عيشي حياتج
توج صغيره ع الزواااج

تعرفين عاد يا قلب هالبنات اللي رمستي عنهن يقهرني زياده … يوم اروح المول واشوفهن انقهر يعني عايشات حياتهن ولا هامنهن شي ….ولا المصيبه في حد منهن ما فيهن ذرة جمال وتلقينها حاطه فل ميك اب وياريته بعد ميك اب حلو مشخبطه على ويها وتدلع بعد وهي تمشيى مادري منو قص عليها وقاللها انتي حلوه … بس يلا في النهايه هاذيلا حياتهن ولا شي ودايما تنتهي بمصايب … والله يرزقنا يارب

Amonboss وين صغيره الله يهديج 27 سنه …بعدين ويهي بيجعد وبخسر شبابي هههههه .. ادري انه الزواج هم بس تعرفين ليش افكر فيه وايد لاني بعدني مااشتغل يالسه في البيت مثل الكرسي انا والكرسي واحد …. علشان جي افكاري متضاربه ومشوشه افكر في الشغل في العرس في المستقبل في حياتي اللي ماعرف لين متى بتم مثل ما هي المشكله شعري انترس شعر ابيض من التفكير …

you know iam older than u about 2 years and i feel iam getting old
((((
my face start to getting older

i advice you to pray to god to get married soon
may god bless you

شراااااااااااااااااااااتي بس أنا عمري 18

ايلس صووب المنظره واقووووووووول شراتج واايد مصدقه عمررري عادي اتم 3 ساعات مجابله المنظره حتى اميه اتقوول بتتخبليني ههههههههههههههههههههه

الكل يمدح جمالي من المدرسات وربيعاتي >< بس أنا فقدت ثقتي في عمري والسبب أنه مانخطبت لين الحين ساعات اقووول شراتج يمكن لاني ماظهرمن البيت ومحبوسه لاني من الجامعة للبيت ومن الجامعة للبيت وماظهر خخخخخخخخخخ

بس الحين هدفي تغير ..الزواج مب كل شي ^_^..