ان شاء الله بسافر انا وريلي وعيالي 3 الى النمسا في اجازة الربيع
وسوف تكون الرحلة الى فيينا 3 ايام و زيلامسي 4 ايام
شو اقتراحاتكم وكيف ممكن ارتب جدولي في هذه الرحلة وشو الاماكن اللي تنصحوني اني اقضي فيها يوم كامل ( حدائق – رحلات )
وياريت لو تكون بالاسعار
طلع لنا التذاكر و السكن 30 الف بس كم اشيل مصاريف حق 8 ايام
في انتظار ردودكم وتفاعلكم
ولكم جزيل الشكر
المهم زلامسي احلي شي تطلعون رحله للجبل 3 تلفريكات وتوصلون القمة وعليكم بلبس الجكيتات والقمة فيها زحليقيات وناسه …عندج شلالات كراميل روعه المكان وفيه مطاعم حلوه،،اممم في زلامسي نفسها 2 تلفريك ترومين تطلعين المنظر من فوق رهيب ويجنن ومطاعمهم حلوه فوق،،
فيينا فيها القصر والحديقه يبالها يوم كامل،،،عندج الاولت ليت يباله يوم كامل،، والحواطه في فيينا في باص هوب تعرفين المدينه كامله
يوميا من 150 الى 300 يوميا او اقل حسب اسعار التذاكر والمطاعم،،،واجازة سعيده
زيلامسي هادية وفيها اكثر من تلفريك
وعند البحيرة سوق صغير وحلو وللاطفال شي حديقة عامة صغيرة والعاب
إن شاء الله تكون رحله ممتعه وموفقه ..
وتستمتعين فيها ..
انصحج تروحين كابولاجو روعه هالمنطقة بين فيينا وزيلامسي ..
وبعد روحي ل قمة الكابرون في زيلامسي 
روعه وكله ثلوج وتراها هالقمة 3 ارتفاعات سيري لأعلى ارتفاع .. < تراه برد وثلج ..
ولا تنسين الزحليقة الصيفيه ..
ممم انصحج تروحين مدينة الملاهي 
اجنن
https://www.batuta.com/%D8%A7%D9%84%D…6%D9%8A%D8%A7/
وشلالات كريمل .. بس الوقت اللي اتسيريله احسن هو من بعد الساعه 10 الصبح ..
وهذا الفيديو .. https://www.youtube.com/watch?v=YLO8PonulJQ
ومدينة سالزبروغ .. احلى سوق زرته ب حياتي روعه وصدق يعيشج جو اوروبااا 
والجسر اللي فيه أقفال . . رومانسي خخخ ولا تنسين تحطين قفل 
وهذي كل اللي اعرفه ..
وشكرا ..