بنات ساعدوني خاطري ألبس عباة الراس

السلام عليكم ورحمة الله وبركاته

خواتي الحمدلله أنا أتنقب بس ما أدري شو الأفضل ووايد شفت مواضيع عن عباة الراس

بس مب عارفه كيف بلبسها وكيف بيودها أخاف أمش وتطيح ما أدري أو أخاف تبين ثيابي لأنها تكون مفتوحه أعتقد وأنا ما أحب جي شو الأفضل ؟؟

ياليت تساعدوني بأرائكم والله إني أتابع مواضيعكم وادعيلكم كل يوم

وإن شاء الله نظل خوات بهالمنتدى الراقي

أحبكم بالله

انا عمري ما لابستها ذي العباه حلوت مره الابسها شفتها صعبه عليه ما اقدر اتحكم فيها .

إشتري العباءه المسكره كامل وبتكون سهله وساتره تلاقينها عند أبو حليقه والله يوفقج وما بطيح إلا لو طويله تسحب حالها من حال عباية الكتف
ولو تبينها تثبت زين خيطي قطعة مخمل مكان ما ينكتب شعار المحل

انا شفت وحدة لابسة عباة راس مسكرة و كانت مرتبة عليها و كاشخة بعد شالة شنطة فندي سباي ..

اسألي عن هاي العباة و جربيها احسبها مرتبة في اللبس

مشكوره الغلا قلبي أنا وإن شاء الله نلبسها كلنا والله يوفقنا

هلا عزيزتي..

عند الوالده عباة على الراس..

موديلها مثل العباةالمسكره اللي على الكتف بس ما تنحط على الكتف تنحط على الراس..

وااااااااايد مرتبه ومافيها اي شي متعب..

يعني لا تبا شله ولا مسكه ولاغيرها

واعتقد لو تروحين محلات العبايا وتقولين لهم ابا عباه راس بس تكون من جدام مثل العبايا المسكره

بتحصلين..

وموفقه اختي..

مشكوره الغاليه طي السنين واشكرج من كل قلبي والله بس أنا ولا مره شفت نفس هذي العباة بس بسأل إن شاء الله