المولود الثاني

السلام عليكم

عندي احساس بدا يأرقني
أنا عندي ولد -الله يحفظه- عمره ثمان شهور والمولود الثاني في الطريق -إن شاء الله-

موعد الولادة في شهر سته يعني بيكون عمر الولد سنة وشهر

في هالحال أكيد بيحس بالغيرة وأشياء ثانية !!!!!!

سؤالي … كيف أهيئه لاستقبال أخوه .. وكيف أتعامل وياه
وهل يحتاي ابدا وياه من ألحين ولا بعده؟؟؟

الله يحفظلكم عيالكم ويباركلكم فيهم يارب

حبيبتي ابدئي وياه من الحين وهيئيه واختاري انتي وياه ملابس واسم للبيبي يعني شاركيه فكل شي يخص البيبي وسولفيله ويوم تربين بالسلامه حتى لو غار ماعليه ترا العود بيكون محتاي حنان اكثر من البيبي لانه كبير ويفهم والثاني صغير يبا حليب وينام بس خخخخخخخ
ان شالله تستفيدين

لاتصعبين الموضوع بنتي كانت كبر ولدج تقريباا البدايه لازم ماتهملينه لنه هوه يفهم لكن البيبي
مايفهم عرفتي يعني حاولي تخلينه يساعدج اييب لج البامبرز او الكريم هوهصح البدايه صعبه شويه
بس بيكبرون مع بعض وبيكونون ربع

ومنكم نستفيد

احسه حيل صغير يعني احين ما بيفهم شي انه بيكون في بيبي ثاني وغيره بس من تولدين انشالله ابدي ويااه
انا ما عندي خبره في غيرة اليهال لنه عندي بس وحده وعمرها 6 شهور بس اشوف ولد اختي كيف يغار منها من تشيلها امي
بس امي خلته يتقرب منها يعني تقوله بوسها او شوف لاا تخلي حد يضربها هاي اختك ولما تسبحها تخليه ايلس ويهاا وصاار وايد يحب بنتي فديته وهو عمره بس سنه و3 شهور

ما عندي خبره لأن بس عندي بنوته وحده

حبيت ارفع لج الموضووووع

فعلا استفدت من ردودكن

صحيح هو الحين بعده ما بيفهم… بس لوقت الولادة بكون محتاجه ابدا وياه

فعلا … أسأل مجرب @

الله يباركلكم في عيالكم ~ يارب