عندي ولدي الله يحفظه عمره 9 شهور المشكله انه عادي اي وقت يرقد
مرات اسبحه مره واحده اشوفه رقد
ومرات عادي ياكل واتغط عينه
ومرات وهو يلعب يرقد
واكيد ولا مره ركبته سياره ما رقد لو لمسافه قريبه
والمشكله الثاني
دومه يوم يصيح ييبس ويزرق
اتمنى منكم اتساعدوني واتفيدوني
ولو فيه اي شي اي دكتور تنصحوني اخذه له
للعلم انا ساكنه في بوظبي
يمكن ما يرقد فالليل عدل
واحسن رااجعي الدكتوور عندج احمد حلمي واايد اووكي
وين مكان الدكتور احمد
إلي أعرفه أن الياهل يوم يزرق تكون المشكله في القلب
ولازم تودينه عند طبيب
وديه المفرق سمعت أنه هناك دكتور أطفال زين
واليهال الحينه اغلبهم جي من الاجهزة الكهربائية اللي حواليهم اتخليهم ما يرقدون اتخيلي حتى الموبايل له تاثير
والاكل بعد لا اتعطينه بفكي وغيره من العصاير اللي فيها شكر وايد
وكاكاو بعد
اعطيه عيش وسمن افضل
بالنسبة للزرقه احيد امي اتقول اخويه يوم كان صغيره كان يزرق يوم ايصيح الا يبا الشيء مع انه اصغير وما يفتهم
فقامت تقرا عليه الحمد (الفاتحه) واتصلي على النبي على كثر ما تقدر وتنفخ عليه وتنفخ في الماي وتشربه حتى الحليب اللي اتسويه له نفس الشيء
والحمدلله سار عنه
وهاذيلا الاطفال اللي جذي يوم يكبرون يطلعون عنيدين بس اهم شيء انهم بخير وصحه وسلامه
وان شاء الله تفرحين به معرس وريال قد المسئولية وجميع الاطفال اولاد وبنات المسلمين والمسلمات اللهم آمين