بنااااااات سااعدوووووني بالمصيبه اللي انا فيها :(

مرحبآآآ بنوتااااااااااااااااااات..اشحآلكم؟!!!….

بنـــــــــآت بختصر عليكم الرمسه واللي مالجه ومجربه مثل هالمواقف فلا تبخل عليه بليييييز…
..
..
..
الله يسلمكم .. قلت إلكم سالفتي ويا ريلي وانا الصراااحه تعبت منه خلاااص طفراانه ما اعرف اشقايل افكر وشسوي .. بدون سبب احسه مضيج وطفرااان مني .. أمس صار لي موقف وياه فليل كلمته وهيك من هيك وحسيت انه مضيج سألته اشبلاك وجي قال ولا شي وبعد إصرار مني قال لي تتوقعون شو قااال
؟….. قال مابا أعرررس صج أضييجت من الخاطر سكت ولا سألته ليش ولا شي عقب اروحه قال لي ليش ما سألتي شو السبب عقب قلت له انت من نفسك ما تبي تعرف وإلا في شي مضيج فيك طلع مني قال الثاانيه يعني مني انا يعني ما يباني هذا اللي فهمته … والله اضيجت من الخاااااااطر وعقب هو حس انه جرحني واايد بعد قام يرقع الموضوع انا اقله انت ليش تكرهني يقول انا ما اكرهج سألته يحبني قال حبيبي شو فيييييج يعني حسيته ندم ليش قال لي جي وعلى فكره نحن حبايب قبل لا نكون زوجين … وتم يسولف ويضحك ويايه ولا جنه قاال شي وانا أسولف ويااه بعد عااادي وكنت اضحك بس فخااطري شي ثاااني صج زعلاانه ولا حتى لي خااطر صج عالعرس مابا اتزهب وعرسنا جرييييب وااايد كلها شهر تقريبا والعرس وبندنا عن بعض عالفير ورقدت وللحين لهاللحظه ماياني اتصال منه ولا حتى مسج ولا شي وانا ما اتصلت ولا طرشت له مسج اترياه هو يتصل يسأل عني يعني انا حرمته وينه عني ؟؟ …
دووومه جي يغلط ويرجع يعتذر او يرجع يدلعني ولا جنه شي صاار بس انا تعبت من التجاريح وااااايد يبالغ فالجروح
وااايد يحسسني كله مني اللي يصير اني انا الغلطاانه دووووم .. وهو يغلط واايد بعد بس يوم اعاتبه على اغلاطه يقول انا متعمد اغلط علشان اقهرج مثل ما تقهرين فيني وانا اغلاطي سخييفه لو هو سواها اطوفها وانا اضحك ما اعرف شو اللي صااير له هو مر بهالحاله قبل الملجه وعقب الملجه كل شي غيييير ما ادري هو مضغوط بالعرس علشان جي يطلع منه هالشي وهو من النوع ما يرتاح لين ما ينجز اللي عليه لو شي صغير يحس بحمل على ظهره .. ما اعرف اسوي طاااف واهدي الموضوع ووقت ما يشتاق لي يعرف رقمي وإلا شووو أسوي أخبر اهلي باللي يصير وانا مابا بالصرااحه حد يدخل خصوصا الحين فترة ملجه توه الناس عالضرابه لكن مره بفكر اني ابا حد يكلمه .. أخاف اخبر حد واظلمه ويكون هو مجرد مضغووط من العرس ويطلع الحره فيني بس والله يحسسني ولا شي اني ما استااهله وانا والله بدون مجامله معروفه حبوبة العايله والكل يشهد وربيعاتي يعرفوني عدل والله عطاني جمال وأدب وأسلوووب … منو الريال اللي الله يعطيه حرمه هاديه وما تحب المشاكل وتحب اهلد ودوم اتصل إلهم وما يستانس والله شسوي … وهيه نسيت اقلكم ومن بد الكلاام اللي قاله امس قاااال.. انا احب الحرمه العصبيه والرومانسيه ويقول اني انا مب عصبيه انا واايد رومانسيه يعني شو استوي قويه عليه ؟!… فذمتكم شفتو ريال يقول يا حرمتي استوي عصبيه وقويه !! الله يهديه إن شااء الله ويجمع ما بينا ويصلح قلوبنا على بعض والله حرام اللي يصير والله حرااااام…
ادعوووووووووولي وعطوني راايكم

….
><

شكرا اختي bellegirl على مروورج ^_^
بس تعرفين انا بالعكس هاي الايام ما اضغط عليه والحمد لله خفت مشاكلنا وااايد حتى ما نضارب ولا شي وبين فتره وفتره خلال اليوم اتصل أسأل عنه واتحجج بالدراسه ومره العشا وهو يتصل ويبند عني لانه دواام بالعكس فيه تطور لكن مب متخيله انه هو جي يفكر انه مايبا يعرس وما ادري شوو والله احببببه ما اتصور انه هو يكون بعيد عني واحس انه هو يحبني بس ضغوطات العرس مسويابه جي ويمكن مثل ما تقولين شكوكه والشيطان يلعب دور بعد بس انا وياه وايد نتواصل يعني يعرف كل شي عني وهو وايد يغاار عليه وانا الحمد لله عرفت كيف اوقف جدام شكوكه كل اللي احس بتجدم الشكوك صوبنا ما تقرب صوبها اكون بعييد وقضيت على هالشي بس ما اعرف ما اعرف شو اللي صااير … الله يعييييين
وبعد هو يوم يكون جي يعيبه اركض ورااه يعيبه اكون وااايد متعلقه فيه احسه دلوووووع يستاانس يا ربي وما يعيبه العيب ولا الصيام بالرجب الله يهديه إن شااء الله ويصلح ما بينا

وينكم بنات؟

انا مع كلام الاخت بلي جيرل , وعلى فكره انا حاسه باحساس ريلج صدقيني يوم اكون مظغوطه استوي متوتره وخايفه و شخصيتي تتغير للاسوء و الكل يستغرب بسبب طريقة معاملتي و للاسف الشي هذا يصير مع الناس اللي احبهم بس ايغي اغايضهم و اضارب معاهم ونفس اللحظه اعتذر وساعات ما اسولف م حد ما ادري ليش؟ يمكن لاني ما ارتاح نفسيا لين ما اخلص الشغل ومن اخلص ارجع لطبيعتي و مافي احلى مني خخخخ^^

اختي انتي يمكن خايفه تواجهين نفسك و تعرفين ان الريال عنده نيه يهون عن العرس ليش مره تمدحينه و مره اذمينه اختي خلك صريحه مع نفسك و جربي الريال استمرضي مثلا و سوي عمرك ما تقدرين اتكلمينه خليه كم يوم و شوفي ردة فعله متلهف عليك و لا لا و اذا ما سأل عنك بلهفه لا تسألين عنه و شوفي ردة فعله و انا اختي ضد ان البنت تكلم الريال لو مالكه لان يصير وايد احتكاك و اخذ و عطا و مشاكل مالها اول من اخر انا اقول مكالمه و حده في اليوم يعني يسأل عنها و بس خلي تكون فيه لهفه بينكم

الله يهديه ويسخره لج ويستر عليج ويوووفقكم ان شاااء الله ^^