اليوم سويت الكنافه بالقشطه طبق سهل ولذيذ وبيعيبكم ان شاء الله
اول شي نجهز القطر وهوه عباره عن 2 كوب ونص سكر وكوب ونص ماء نحطهم على النار
واول ما يغلي الخليط نضيف ماء ملعقة ماء زهر وملعقة ماء ورد ( وملعقه عصير ليمون
حسب الرغبه ) نخلي القطر على جنب ( فترة الغليان كامله عشر دقايق تقريبا من تغلظ بندو الضو ) نخليه على جنب
عقب نحط الكنافه في مله او طاجن واسع ونضيف عليها حوالي ثلاث ارباع زبده سائله
ونفركها زين
عقب ندهن القالب بالزبده ونحط جزء من الكنافه فيه نرصه زين
نحط القشطه في النص ( خلوها في النص عشان ما تطلع على الجوانب ) وممكن انحط
عين الجمل او جوز عليها
عقب نغطيه بطبقه من الكنافه /// بتلاحظون لما رصيت الكنافه جزء من القشطه طلع برع
لاني ما حطيتها في النص وزعت القشطه
عقب نحطها في الفرن ولاحظها اذا احمرت من فوق نغطيها لفتره عشر دقايق عشان تحمر شوي من تحت ونغطيها عشان ما يحترق اللي فوق
عقب ما نطلعها من الفرن على طول نرش الفستق ونصب القطر عليها عشان تتشربه الكنافه وهيه حاره
ملاحظات
بالنسبه للزبده ممكن تدهنون القالب وترصون الكنافه وتحطون ملعقة طعام زبده سايله
وتحشونها بالقشطه وعلى الطبقه الثانيه من الكنافه بعد رشو ملعقة طعام زبده (مب متروسه )
لو بغيتو الكنافه لونها اغمج خلوها فتره اطول في الفرن
القوالب ممكن تكون كامله مب بهالشكل ممكن مربعات او اي شكل انتو تختارونه
حاولو ما تنفش عندكم انا نفشت شوي عندي لاني مستعيله كنت
كرتون الكنافه يكون موجود في قسم المثلجات في الجمعيه
والملاحظه الاخيره 
انا اول مره اسويها ان شاء تعيبكم مثل ما عيبتهم في البيت خفيفه ولذيذه
وشكرا لكل من تزور او ترد على موضوعي
ممم بسألج بس الكنآآفه نفورها قبل ولا نحطهااا وهيه نيه ؟؟؟
انا مجربتها من قبل وااااااااايد لذيذه..
والقشطه انا اسويها مااشتريها جاهزة
المشاركة الأصلية كتبت بواسطة عشقـ بدويـ 
ممم بسألج بس الكنآآفه نفورها قبل ولا نحطهااا وهيه نيه ؟؟؟
لا تفورينها بس ادعكيها بالزبده
اصلا هيه لينه ومستويه
وحياااااااج
عزيزتي
المشاركة الأصلية كتبت بواسطة خواطر© انا مجربتها من قبل وااااااااايد لذيذه..
والقشطه انا اسويها مااشتريها جاهزة
الله يسلمج غناتي
لكن ياريت تعلمينا شقا تسوين القشطه
نكون شاكرين