أسهل وألذ بانكيك فرنسي بالصور

السلام عليكم ورحمة الله وبركاته
والصلاة والسلام على خاتم المرسلين سيدنا محمد عليه الصلاة والسلام

اليوم حبيت احط لكم وصفتي السهله والبسيطه للبانكيك الفرنسي ؟؟ خليجية
اكيد الكل بيقول حفظنا مكوناته بس هاذي المكونات يمكن شوي مختلفه لانه تحسين العجينه خفيفه مب سميكه لكن ترومين تتحكمين بسماكة العجين اذا تحبينها سميكه..
طبعا هذا يشبه شوي خبز الجباب لكنه مختلف شوي عنه
بامكانج تضيفين اي نكهه تحبينها في خليط البانكيك ان كان قرفه او غيره..
ممكن تسوينه بدون سكر عقب تزينينه بالعسل او الدبس او الشوكليت او اي شي تحبينه..

انا اضفت فيه السكر و بامكانج تضيفين القرفه بيطلع طعمه وااايد حلو مع الحليب المكثف المحلى
المهم مابطول عليكم ..اليكم المكونات>>>

المكونات:
2 ك طحين منخول
2 ك حليب
2 فنجان قهوه سكر(حسب الرغبة)
1/4 م ملح
1 م ص فانيليا (حسب الرغبة)
12 ك ماء
1 م ك زيت ذرة أو أصبع زبدة
1م ص باكينج باودر
2 بيض كبير
1 م ص قرفه(حسب الرغبة)

الطريقة:
تحطين البيض والحليب والماء والفانيليا والسكر والملح و الزيت في اناء وتخلطينهم مع بعض
ثم تضعين في صحن الطحين والباكينج باودر وتخلطينهم ..ثم تضيفينم للخليط السابق بالتدريج حتى يصبح عندج خليط سائل ..ثم تسخنين المقلاة وتضعين مربع زبدة او ملعقة صغيرة زيت وتضعين ملعقة كبيرة من الخليط.. اليكم الصور مع اني نسيت اصور كل شيء بالتفصيل خليجية ..بس اهم شي بالاخير الطعم اللذيذ