السلام عليكم
انا اعرف انه كل وحده منا بعد الولادة لازم تتعالج مثل
تشرب التفة و الحلبة
واللي تربط بطنها بحزااام
واللي تحطي حصاااه
واللي واللي واللي
ممكن اعرف تجربة كل وحده منكن
منها بستفيد وبيستفيد باجي البنات
اتريا الردووود
انا بعد ابا اعرف ..خبرونا شو سويتوا ومنكم نستفيد…
انا عن نفسي اربط بطني بحزام واحط حصاه
ممم وبعد اسوي تمارين خفيفه
ما فيني كرش بس البطن لين ؟؟؟ مب مثل قبل ؟؟يباله فتره
ممم واشتريت مجموعة الحمام المغربي واستعمله
يوم استعملته اول مره قال لي ريلي ويهج منو اعطيني الصابونه إلي تستعملينها ؟؟
ممم بس
نبى تجارب غيرنا وينكم ؟؟؟ فيدونا لوسمحتوا
( رشوفة) أو الحبة الحمرا وايد زينة تسوينها في الماي وتحطيين فلفل اسود و حليب و سمن، و بعضهم يحطون كستر
انا عن نفسي شربت الحبه الحمرا ( الرشوف) وشربت حلبه بعد واربط بطني بحزام واحط حصاه
والحين استخدم كريم للسواد والتشقاقات اللي عالبطن بس للحين ماشفت النتايج
وووووووووووووس
اما انا ما سويت شي الاسبوع الاول من الالم و التعب اللي كان فيني و الزيارات للتهنئه بعد بس كنت اتودن فماي حاار و ملح كل يوم الصبح و هالشي كاان واايد مرريح و له فوايده..
و من عدى الاسبوع الاول سرت العياده افحص الجرح و بطني و كل شي والحمدالله طمنتني الدكتورة
و على فكرة هاي خطوة ظروريه انا اشوفها لاني سمعت عن واايد مربيات صارتلهن مشاكل "بعيد عنكم" بسبب خياطة الجرح عقب الولاده … و لا تخافن يالحوامل ها شي طبيعي و ان شالله محد بيصيبه شي اذا كنتي حريصه و محافظه عتعليمات الطبيب.. (هذا كان اسبوعي الاول)
اما اسبوعي الثاني اللي هو هالاسبوع
اتفقت و يا وحده تسوي مسااج للجسم لي ولبنوتي 6 ايام بالاسبوع لمدة شهر وعقب المساااج تربط بطني و الحمدالله شي فرق. وعن السوا اللي نعاني منه بعد الولاده قلت بستخدم كريم تستخدمه وحده من العايله بس توها فقلت بخليها تستخدمه و بشوف النتايج اول 😛 و الليمون واايد زين افركو فيه ينبكم..
وسلامتكم
و من عدى الاسبوع الاول سرت العياده افحص الجرح و بطني و كل شي والحمدالله طمنتني الدكتورة
و على فكرة هاي خطوة ظروريه انا اشوفها لاني سمعت عن واايد مربيات صارتلهن مشاكل "بعيد عنكم" بسبب خياطة الجرح عقب الولاده … و لا تخافن يالحوامل ها شي طبيعي و ان شالله محد بيصيبه شي اذا كنتي حريصه و محافظه عتعليمات الطبيب.. (هذا كان اسبوعي الاول)
اما اسبوعي الثاني اللي هو هالاسبوع
اتفقت و يا وحده تسوي مسااج للجسم لي ولبنوتي 6 ايام بالاسبوع لمدة شهر وعقب المساااج تربط بطني و الحمدالله شي فرق. وعن السوا اللي نعاني منه بعد الولاده قلت بستخدم كريم تستخدمه وحده من العايله بس توها فقلت بخليها تستخدمه و بشوف النتايج اول 😛 و الليمون واايد زين افركو فيه ينبكم..
وسلامتكم
احيد السواد يخوز عقب الولاده