الحامل وزيت الزيتون كله خرط

بنات انا من اليوم بديت احط زيت الزيتون على جسمي بس البطن ماابي اسوي بس يدي ورجلي

المهم حسيت بالحرارة ماارتحت واصلا الحين الصيف بقرب والزيت الزيتون مب حلو يحسس بالحرارة

وانا استخدمت زيت الزيتون السوري اخوي يايبه من سوريا لكل شي

وجربت الزيت اللي في السوق خذيته امس مب شي اصلا الزيت للجسم ياما سمعت انه مفيد للتشققات والخرابيط

بس المفروض الحامل مااتسويه الا بعد الولادة

منو قالج الغاليه ؟؟ انا في عيالي الاثنين من احلل و اعرف اني حامل ما ارقد الا و انا داهنه بطني و صدري بزيت الزيتون .. و الله العظيم الناس يوم يشوفون بطني يقولون مستحيل كنتي حامل !!! " ماشالله و الله اكبر " .. موووول ماشي تشققات …

حبيبتي يالغالية كل وحده وتجربتها ويكن معاج ضبط صح بس اقولج انا يوم خبرت الدكتورة قالت لي الزيت يساعد الجلد في الترطيب فقط لاغير

وسالفة البطن مشدود ومب بارز هذا يعتبر على طبيعة الجلد اذا يتمدد والا لا

وانتي جلدج من النوع اللي مايتمدد ………..عشان جي بطنج صغير

انا حميتي بشرته جفاف خطير……….وعندها خمس عيال ولا واحد فيهم وقت حمالهم دهنت بالزيت ماتهتم للخرابيط

بس طبيعة جسمها يابس وضعيف وجلد مايتمدد ابدا ماشاءالله طويلة نفس العارضة وجمسمها ولاكانها عندها عيال قسما بالله وربي الشاهد

بس الزيت مايخصه اللهم للترطيب والتلين انتوا فاهمين الشي غلط

حتى انا كنت استخدم زيت الزيتوووووون وزيت السمسم في حملى الاول والحمدالله ماطلعن لي تشققااااااات والحين استخدم زيت اللوز …..

الغاليه انا ما اتكلم عن برووز البطن … انا اتكلم عن التشققات ,, بالعكس فيني كرشه بس لاني توني والده .. من 4 شهور و انا مب من النوع اللي يسوي رياضه .. بس و الله ولا خط !!!

يا عمري استخدمي اي زيت زيتوووووووون وعن تجربه ولله الحمد والشكر واااايد يفيد

مب كل دكتورة تعرف …
ما شالله من حملت وانا ادهن زيت الزيتون والحمدلله الحمدلله ولاخط ….
حطي زيت الزيتون وقت النوم احسن ..مكيف يشتغل ما بتحسين بالحرارة ..