المستشفى الامريكي ولا دبي ولا غيره للولاده

السلام عليكم خواتي

انا محتارة ما اعرف وين افتح فايل للمراجعه ومب عارفه وين احسن مكان للولاده
في ولادتي الاولى كانت في مستشفى دبي وما عيبني اسلوبهم بس ممكن ارد افتح فايل عندهم إذا شجعتوني
وبغيت اعرف شو عن القسم الخاص vip كم سعره ومتى تحجزينه وهل في مجال يكون فل والوحده ما اتحصللها هالغرف؟

وأفكر اني اغير بس الاهل يقولون ان المستشفيات الخاصة مب زينه للولاده لان لو تعسرت الولاده لا سمح الله يفرونج على الحكومي لان هم ادرى

إذا تعرفون غير المستشفيات اللي ذكرتها خبروني عنها مع ذكر اسم الدكتورة

ويزاها الله الف خير اللي بترد علي

الله يثبت حمل كل حامل والله يرزق كل محرومه بالذرية الصالحه المعافاة

ولا رد

دخيلكم ساعدوني الله يجزيكم الخير

بالنسبة للمستشفيات الحكوميه في دبي أنا سمعت ان الوصل احسن عن دبي
و الخاصه يمدحون ويلكير و الامريكي

أما بالنسبة لي أربي في الزهراء الي في الشارجة عند دكتوره نفيسه

يزاج الله الف خير اختي

المشكلة الزهرا في الشارجه

أنا أنصحك بالأمريكي,ولدت عندهم من 4 شهور و كانت العناية ممتازة جدا.أنا ولدت عند الدكتورة هبة وهي رائعة جدا من حيث التعامل و الخبرة و الخياطة.سيري الأمريكي ولن تندمي بإذن الله

اتصلت الامريكي وخذت موعد ويا الدكتورة هبة وبشوف

سؤال من وين الدكتورة هبة ؟؟شو جنسيتها

موضوع مهم
للررفع لعيونج