اللي عندها خبره حق حوامل الشهر التاسع

السلام عليكم ورحمه الله وبركاته

أممم أبا نصااايح مجربات حق حوامل الشهر التاسع
وشو اللي زين واللي يضر حوامل الشهر التاسع ?!

فديتج انا عن عن نفسي ما كلت شي ولا خذت شي ..
والحمدلله كنت بجر وربيت قبل موعدي ..
واثناء الولاده كلت خاشوقة عسل
وربي يسهل علي وعلى كل حامل يارب ..

الله يهون عليج ياارب
كلي تمر وايد
والعسل بعد زين
وامشي ولو قدرت بعد صلاة الفجر احسن يكون الهوا نظيف وبراد
وأهم شي توكلي على رب العالمين وادعي رب العالمين يهون عليج
وحاولي تسترخين وايد وتتنفسين بعمق الجسم يحتاج اوكسجين

والله يهون عليج وعلى كل الحوامل ياارب

خليك كل شيء طبيعي فقط مثل ما قالو الاخوات اكثري من التمر وايد مفيد ومن تمر اول خمسه ايام من التاسع اكثري من المشي وايد زين

ربي يسهل امرك

المشي مثل ما قالة الاخوات .. وارتاحي .. بتحسين انج دوم حرانة عادي .. وبتحسين بتعب من ابسط مجهود فارتاحي ..

الاكل : كلي وجبات كثيرة بس بكميات صغيرة عشان الحموضة وضيج النفس ..

والنوم : مخدتين ورا ظهرج أو ثلاث ممكن ايريحونج ..

والله ايسهل عليج

وقت ما يأذنله رب العالمين بيطلع ،.،.،،. والله يقومج بالسلامه يا اختي

الله يسهل عليج