مثل ما انتو عارفين من موضوعي السابق تحددت ولادتي بالمستشفى الحكومي مستشفى لطيفه على أساس الثلاثاء الياي بتوسيع عنق الرحم عن طريق بالون يحطونه حتى يتوسع الرحم اكثر ومن ثم طلق صناعي. لأن البنوته راسها بالحوض وعنق الرحم مفتوح 1 ونص وطري جداً على حسب كلامهم وبسهوله ينفتح ان شاء الله
طبعاً أنا من بداية حملي. اتابع بالحكومي + الخاص
الخاص اليوم كان عندي موعد فيه ودخلت للدكتورة متابعه وكشفت علي وطبعا مفتوح 1 ونص مثل ماقالولي بمستشفى لطيفة
طلبت انها توسعلي شوي هي حاولت بس ماعرف هل يتوسع بنفس اللحظه ام بعدين ياخذ وقت حتى يتوسع
المهم عطتني موعد دخول للمشفى السبت اللي ياي يعني موعدها قبل موعد الحكومي
وسألتها عن كيفيه الولادة كيف راح تكون
قالت بما ان الرحم شوي مفتوح راح أشقق لج ماي البيبي قلتلها يعني كل الماي راح ينزل يمكن خطر. قالت لا. ماراح نشق كثير بس نشق شوي وننتظر راح يجيلك طلق طبيعي ويمكن اعطيكي شوي نسبة بسيطه جدا جدا هرمون. قلتلها شو هرمون ؟ قالت طلق خفيف جدا ً
المهم حبيباتي محتاره بين الاثنتين
تحسون اي واحده فيهم كلام مقنع
يعني الحكومي راح يعتمدون عالتوسيع من خلال ادخال قسطره بطرفها بالون وينفخونها لتوسيع العنق
وبعد مايتوسع الرحم 4 سم راح يعطوني طلق
أو
الخاص اللي راح يعتمدون على شق ماي الجنين ومن ثم نسبة بسيطه من الهرمون الطلق
أنا جداً محتاره بينهم
أخاف اللي بالخاص تشق ماء الجنين ويتصفى ماء الجنين بعدين ومايجيني طلق او مايتوسع الرحم وتحولني قيصري
حابه استشيركم حبيباتي مين فيهم كلامها يقنع أكثر ؟
وكل شي وقته ولا تستعيلين كله بأمر الله يهون ان شاءالله
الله يسهل لج وتقر عينج بشوفة ضناج يارب
ماقدر اتريا أو أنتظر
أنا عندي سكر حمل وبداية تكلس مشيمة
يعني لازم يولدوني عالأسبوع الياي
علي كلامج انه دكتور الخاص ممكن ايج طلق بعد شق ماء جنين ممكن لا
خلاص سويهامثل ماقالوا الحكومي توكلي علي الله ليش تعذبين عمرج مرتين
استخيري
ياريت باجي البنات يعطوني رايهم
محتاجة فعلاً حد مجرب يطمني
مع العلم بنات أنا سبق وكنت مسويه قيصري قبل 6 سنوات وهذا حملي الثاني
شو تحسون اي طريقه بترحيني اكثر. الله يخليكم لاتبخلون بالرد
أنا من رأي اصبري لين ما يلج الطلق بروحه. أحسن سبحان الله يمكن تولدين طبيعي.
أنا مانصج تاخذين طلق والله اعلم اختي أستخيري والله يسهل عليج وتقومين انتي والبيب بالسلامة