معاناة دبـــــه من الوزن الثقيــل جدا.طلبتكم

ياخسارة اتخرتي شوي ولا جان قتلج انضمي معانا بالمسابقة وماشالله الكل يشجع

بس حبيبتي تابعي موضيع اختنا فوج واكيييد بتشجعين هالمرة

الله يعينج
الارادة اهم شئ في الموضوع
وصدقيني عقب الارادة الموضوع كله بيكون سهل بالنسبة لج
حاولي والله معاج
بس تعالي شو الرجيم اللي خلاج اتخفين 9 كيلو في 10 ايام؟معقولة

فديتج والله حاسه فيج انا بعد دبه بس يمكن هذي الطريقه تنفعج انا كان وزني 90 وطولي 163 وسرت عند الدكتور نيوترشن وضعفت نزلت تقريبا 14 كيلو في 4 اشهر والله واااااااااااااايد اوكي ويمكن اتنزلين اسرع عن جي بس انا كنت وايد اخربط في الرجيم وانا لين الحين ع الرجيم وانا انصحج اتسيرين عنده

صراحة حبيبتي انتي مو محتاجة ريجيم قد ماانتي محتاجة تعديل في عاداتج الغذائية….. لا اتفكرين في الريجيم…. فكري في الصحة أول شي…. انت عمرج الحين 19 … مستحيل بهذا الون وما اتحسين بأي مشاكل صحية …. إذا الحين جذي عيل لما تكبرين اشلون… صراحة أنا مو حابة احبطج ولا أكرهج في عمرج…. بس فكريشوي… انت باجر تبين اتعرسين حالج حال غيرج… بس أكيدمو بهذا الوزن…وتبين تضعفين بس أكيدما تبين اظلين على الريجيم طول حياتج… أقولج.. اكتبي ورقة فيها ايجابيات الضعف وسلبيات المتن.. وان شالله اتكون عندج إرادة…. صراحة أنا ما سويت ريجيم إلا لما قالتلي الدكتورة إن فيني سكر. .. بعدها قلت توبة … الصحةأولاً وأخيراً… أمشي وراي وأنا أسويلج أحلى برنامج ريجيم بدون ما تتعب نفسيتج. بس ما بتضعفين بالسرعة اللي تبينها…

نونو الدلوعه

يسلمووووووو حبوبه وما قصرتي بالرد قبل شووووي شفته الموضوع وان شاء الله اشوف الردود واتشجع

.
.
الهوله

صدقتي يا خويتي الاراده والله يقوووويني انا اعرف عمريه لهالسبب حطيت هالموضوع
ابى رمسه كلمه منكم وان شاء الله لها تاثي كبير عليه خووووووووات وتمونون والله

بالنسبه للرجيم التمر والحليب اختي
.
.
ام هزاع

رحت من قبل وودرته

بس بيني وبينج قلت ابى اوووووووووووووصل تحت 100 عقب اروح له

واللي فوووووق 100 ابى الحين اااابدأ افتك منهن يااااااااااااااااااااااا رب ساعدني

.
.
الدانه

تسلمين يا قلبي صدقتي والله الصحه اهم شـــيء والسمنه مسوتلي حتى في ابسط الاموووور
واحسني أرفت من هالمستشفيات بسبت السمنه لوووووووووو زجمنـــا والا يتنا حمى قالووووو من السمنه الله يرحمنــــــــــــا برحمته
…. ورمستج ووووصلت وفهمت وانا ما كتبت الا ابى اسمع واتشجع

وااااااااعرف هالرمسه من خوااااااااااات ورمستج على العين والراس وانا من ايدج هذي الى الثانيه

ان شاء الله عاداتي الغذائيه اضبطهــــا وابى في الفتره الحاليه اسوووووي رجيمات اثبت عليهن على الاقل اعق 30 كيلووووووووووو ..

.
.
تسلمن حبيبااااااااااااااااااااااااتي وما تقصرن

حبيبتي بخبرج عن تجربتي وان شاء الله تستفيدين منها

انا كان وزني 112 كجم والحين انا 77 كجم تخيلي في خلال كم

سنتين

نعم سنتين وانا انزل في وزني لان جسم وايد صعب وكنت مثلج من رجيم الى رجيم لكني شفت وحده من أهلي كانت 150 ووصلت 80 فانصدمت وقلت في خاطري مادام هي قدرت ليش انا ما اقدر وتحديت نفسي وقمت اكلم عمري في المنظرة واقول يا فلانة (طبعا انا فلانة) خلاص يكفي انت بعدج صغيرة لين متى بتقعدين جي

وانعت نفسي اني ما اكل غير الاكل الصحي وبدون اي رجيم واي خرابيط

كنت اكل بس خضار وفواكه ولحوم بانواعها حتى مقلي ومشوي

وعشان ما أمل كنت اخترع كل يوم اكلة جديدة واطبخها بطريقة صحية يعني بدون دهون وبدون سكريات
امتنعت عن جميع انواع الحلويات مع اني احبها وايد وفنانة في طبخها

يوم اروح عزيمة او حفلة اكل من كل شيء بس لقمة وحدة بس اذوق مع الوقت قمت ما احب الحلويات واكل كمية قليلة جدا حتى حبة الصمون يدوب اخلصها لين وصلت 85
بعدين يت فترة خبصت فيها وزدت 8 كجم بس مسكت عمري وانقهرت عليها ورديت الى نظامي القديم لين نزلت الى 77

انا في خاطري اوصل الـ60 وبحاول ان شاء الله الله يعيني لان طولي 160 ودايما اقول حج عمري مادام نزلت تقريبا 30 كجم فالباقي مب صعب

حبيبتي لازم الارادة واستغلي الوقت مادام انت صغيرة لان جسمج الحين ينزل بسرعة وكل ما كبرتي بتأخر النزول يعني نزول الوزن

واوصيك بالدعاء والاستغفار فانه يفتح الاقفال

والله يعينج