انا عايشه فبيت جنب بيت ابو ريلي وهم عندهم خدامه وحده فلبنيه والثانيه هنديه .. المهم يوم قررت اني اجيب شغاله قلت بقعدها عندهم دام ان عندهم غرفة خدامات ومتى مابغيتها تجيني … جبت وحده اثيوبيه … والحمدلله طلعت وايد زينه … بس المشكله انها ماتفقت مع الفلبنيه والهنديه … وكل فتره تصير مشاكل بينهم ويجوني كل وحده تبي تسافر وتروح بلادها ونقعد نهدي بينهم ونرقع سوالفهم السخيفه …
المهم اليوم اخت ريلي كانت تنظف المطبخ تنظيف كامل يعني الكبتات وتحت الفرن وورا الثلاجه … الصدمه لقت ورا الثلاجه اكياس جمعيه معقوده بطريقه غرييييبه تقول شكلهم عمل !!!
يعني هم كيسين كل كيس معقود عقد صغيره وورا بعض.. ومحطوطين ورا الثلاجه !!! سمت بسم الله وودتهم حق اختها مطوعه وتعرف هالاشيا … قالت والله شكله سحر وفكت العقد وقرت عليهم بس الغريبه لما فتحتهم مالقت شي فيهم !!! هل معقول يكون سحر !!!واللي يخلي الواحد يشك يوم اخت ريلي كانت اتطلع الاكياس من ورا الثلاجه حست حد يطل عليها ويراقبها وطلعت خدامتي الاثيوبه !! تقول حسيتها مب طبيعيه تروح وترد علي وتشوفني شنو اسوي !!
وللعلم من اسبوعين جات الهنديه وقالت انا بسافر ومابي ارجع والفلبنيه بعد مع انهم صارلهم 7 سنوات عندهم فالبيت !!!!
فمادري والله مابي اظلمها لانها وايد طيبه وزينه وبنفس الوقت اخاف تكون صج مسويه شي يمكن حق الشغالات الباقيات عشان يطيرون وتبقى هي !!!
قولولي شسوي هل معقول يكون سحر صج بأكياس معقوده ؟؟؟ والله انا خايفه واخاف ماتكون هي واظلمها!!!
ينخاف منهم الشغلات هلايام
الله يطمن قلبج
المشاركة الأصلية كتبت بواسطة جوجيتّ 
ينخاف منهم الشغلات هلايام
الله يطمن قلبج
حبيبتي مشكوره فديتج ع الدعوه الحلوه
ان شالله يطلع كل شي خرابيط واوهام …بس صج ينخاف منهم لولا الحاجه لهم والله ماجبناهم… الله يستر
المشاركة الأصلية كتبت بواسطة فجر الغلا مشكوره اختي
المشكله قطيناهم خلاص لن اخت ريلي مطوعه وتعرف هالاشيا وشايفه من قبل تقول شكله سحر معقود !!
بس مادري ان شالله يطلع تحليلها غلط مع انها مو متأكده 100%
لكن اذا ماطلع شي فالكيس يعني هذا مب سحر !!
كيف سحرت الكيسه مثلا !!
لالا فديتج لازم شي يحطونه .. مثلا اوراق وطلام واشيا ..مب الا كيسه مني والدرب ..