هل كفلت شغالة اثيوبية من كلبا مرجعنها كفيلها الاول من شهر او اقل

بخبركم سالفتنا و اللي تقدر تساعد الناس اللي توهقوا فيها تخبرني

من 10 شهور تقريبا يبت شغالة اثيوبية للوالدة و كانت أول مرة تشتغل و ما تعرف شي أبدا
كانت ما تعرف عربي زين بس تعلمت، اسمها جيتي وايد سمرا عمرها تقريبا 26-27-28 سنة بس شكلها اكبر
كانت مريضة و أعراض مرضها انتفاخ في القدمين … و أنا بنفسي وديتها مستشفى كلباء و سو لها فحوصات و الفحوصات كلها سليمة فالوالدة خافت و قالت بسفرها عن يستوي فيها شي ما فينا ع البلاوي، هالكلام بعد ما وصلت و اشتغلت عند الوالدة بثلاث شهور او أربعة…
بس بعدين قعدت تصيح و تقول لا ما بسافر أنا فقيرة و المكتب في إثيوبيا طالبين مني فلوس و غيره من هالكلام
المهم كسرت خاطرهم و خلوها قاعدة

و من كلامها عقب فهمت انه الموضوع فيه شي من الشعوذة و الشياطين…
اللي خلانا ساكتين إنها مثل ما قالت فقيرة و كان موسم امتحانات و بعده رمضان على أساس انه بعد العيد بنسفرها…

لكنها ما رضت تسافر فرجعت المكتب من شهر او ثلاث اسابيع و اليوم اكتشفنا انها سارقة وايد اشياء من عند اهلي و لما اتصلنا المكتب اليوم قالوا لنا إنها راحت تشتغل عن ناس من منطقة سهيلة بكلبا.

الله يعينهم عليها

زبدة الموضوع:
الشغالة تكنسلت من كفالة الوالد و الحمد لله.
ما خلت شي بالبيت ما سرقته و هربته ما اعرف إلى وين.
جاسوسة لابعد درجة (تجسس علينا بكل وقت ) و تفهم عربي أحسن منكم.
عندها شي من الشعوذة.
أحذر الناس اللي كفلوها لأنها في البداية كانت مسكينة و ما تفهم شي و طلعت سكينة و تعرف كل شي بالدنيا.
أريد اعرف من الناس اللي كفلوها من بعدنا ( من أسبوعين أو ثلاثة ، المهم عقب عيد الفطر)

موصفاتها:
أثيوبية ، أول مرة تشتغل، سمرا وايد وايد وايد، طويلة و مب متينة و لا ضعيفة، عمرها بنهاية العشرين و اسمها جيتي.
و اللي توهقو فيها اقصد كفلوها من كلبا و يمكن منطقة سهيلة بكلبا.

فاللي تقدر تفيد بالموضوع لا تبخل علينا…و انا حاضرة للمساعدة بالرسايل الخاصة و ان حصلت تطورات بخبركم…

أحبكم كلـــــــــــــ ـــــــــــــــــكم