شحالكم
هاي اول مشاركه لي وعندي مشكله ومتلومه فالعرب ومحتاره وااايد
بدخل فالموضوع على طول
بنات انا خطبني واحد ولد قبايل معروف .. ماشاء الله اخلاق ومصلي وعارف ربه .. والاهم من ها كله شاريني .. طبعا بتقولو كيف عرفت .. من تصرفاته وكل مره يجي يسلم على اهلي واخواني وكذا ..
المهم بعد فتره قام يطرشلي هدايا .. ويوم توصلني قدام اهلي على اساس من خواته .. عقب اخته خبرتني انها منه .. طبعا شعور اي وحده انها تستانس وجذا .. وانا ماخبرت اهلي لاني خفت مايرضوا ويخلوني ارد الهدايا ولا بيسون مشاكل وجذا ف اتلوم فالريال و….. من هالكلام يعني
بعد فتره اخته شجعتني اكلمه عشان اتعرف عليه ونعرف بعض ومن هالكلام .. طبعا بدون لا حد يدري ورمسنا بعض .. مب فتره طويله .. فهالفتره والله ماكنت مرتاحه ابد واحس اني اسوي شي غلط .. رديت استخرت ومارتحت ابد >< .. طرشت له مسج انا مابكلمك وانا استخرت وما ارتحت .. طبعا تضايج وخواته درو بالموضوع .. واكتشفت ان كل خواته يدرون اني كنت اكلمه .. مع اني يوم كلمته قلت له ماريد حد يعرف عشان لا يرمسو علينا .. وهو ماصان العهد .. ف انا قلت دام من البدايه كذا ما ابغاه ..
الحين ماعرف خايفه اعلن رفضي لاني جد مب مرتاحه ابد له .. ويروحو خواته يرمسو علي اني كلمت اخوهم ولو باكر اهلي درو والله بيذبحوني .. ><
ساعدوني ابي حل .. الله يجزاكن خير
وربي يوفقج ويرزقج الي تبينه ^^
ثانيا انتي سكتي عالموضوع الحينه ليين مايون يخطبونج رسمي ويوم بيسالونج اهلج شو رايج قوليلهم بصلي استخاره وردي صلي مره ومرتين ولو مارتحتي قوليلهم مارتحت وخلاص
وماظني خواته بيتكلمن جدام اهلج وبيقولن رمست اخونا ولو رمسن ماظني حد بيصدقهن بيقولون منقهرات لانه رفضناهم
انتي الحينه استغفري ربج وقطعي علاقتج فييه وردي عقب صلي استخاره يمكن ترتاحييييين
والله يوفقج
ماطريتي خطبه ولا انه طرش صوبكم حد
غرتج الهدايا ولا المديح اللي تمدحينه الريال ماله معنى
اي ريال هذا يطلع خواته على سواد ويهه ويصفقن له
خلج ررزينه وخافي ربج فهلج
واظني يدلون باب بيتكم
اتقي الله فعمرج وادعي ربج يستر عليج
والله يباعد بينج وبين الحرام كما باعد بين المشرق والمغرب
بالتوفيق
تبين رايي اذا ريال زين …استخيري مره و مرتين و صلي و ادعي ربج اذا خير لج امورج بتتيسر …
و كلمي اخته اللي كانت حلقه وصل بينج و بينه و قوليلها انج غلطتي و اللي صار تبينه يكون سر …
و الله ييسر لج امورج ..و دام انج اعترفتي بغلطتج و استغفرتي ربج الله بيستر عليج و بييسر لج امورج ان شاء الله
هذا هوو التصرف السليم